VaLoma 9:4 - ULufingwi uLupwa

⁴ Ivho vhe Vhaisilayeeli, vhe uMulungu ávhavhiisile kuuti vhavhe vhaana vhaakwe, ahavhalolesya uvhushindamu vhwakwe nu kuvhiiha ulufingwi navho. Havhili ahaavhapa indajizyo zyakwe nu kufinga vwe aliivhapa, nu kuvhavhuuzya vwe yikwanzilwa kumupuuta.

Tesitamenti Umupwa 1965

⁴ ve vanaYisilayili. Vwavo vuvo uvwana nuvumwamu ninyitinkano, nukupelwa kwa nkomelezyo, nuvuvombezi vwa kumuvombelʼuMulungu, nimfingwi.

VaLoma 9:4 ပူးပေါင်းရင်းမြစ်များ

Matayi 21:33

UYeesu ahajendeelela kuyanga ahati, “Tejeelezyi ishiholanyo ishamwavho. Kwáli umuntu wumo we álimile umugunda uwa mampensya, ahagazenjeelela uluvhaga, ahabana inshelenje iya kufinyila amampensya pahati. Ahazenga inganzya intali iya kwimililila umuguulizi. Ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

iMbombo izya Vhatumwa 2:39

Ulufingwi ulwo uMulungu áfinzile kuli imwe na ku vhaana vhiinyu na ku vhantu avha kutali, kwe kuuti ku vhaala vhonti vhe uMWENE uMulungu alivhiita.”

VaLoma 3:2

Nalyoli kuvha we Muyuuda kuli ilonka ipiti. Ipiti kuli izyo, uMulungu ávhapiiye aVhayuuda indajizyo, inga vhazisunjiilile nu kuzilandata mu vhulanzi vhwavho.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

VaLoma 9:6

Pooka niizyo, ntakuti uMulungu áposiitwe kulunjisya ulufingwi lwakwe ku Vhaisilayeeli. Ndaali! Yeenya, te vhonti vhe vha mu luho ulwa Vhaisilayeeli vhasaavhulwa vha Mulungu.

2 VaKolinti 11:22

Inga avheene Vhahebuuli, niine ne Muhebuuli, inga avheene Vhaisilayeeli, niine ne Mwisilayeeli, inga avheene vha mu mpaapo izya Aabulahamu, niine ne wa mu mpaapo izya Aabulahamu.

VaGalati 3:16

Ileelo uMulungu áfinzile kwa Aabulahamu utaata wiitu, uweene pooka nu muntu uwa mu mpaapo zyakwe. UVhusimbe uVhufinjile vhutakuti, “Na vhantu avha mu mpaapo zyakwe,” kwe kuuti avhantu avhinji, ileelo vhukuti, “Nu muntu uwa mu mpaapo zyakwe,” kwe kuuti ali wooka, uyo we wu Chilisiti.

VaEfeso 2:12

ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.

VaHebuli 9:1

Ulufingwi ulwa kwanda lwáli na pafinjile apa kumupuutila uMulungu mu nsi umu, havhili lwáli ni mbaatiho izya kushilongozya ishipuuto isho.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.

VaHebuli 9:3

Mwi Iheema ilyo mwámile umwenda umupiti we wápituliinye ishumba ishitanzi ni sha vhuvhili. Ishumba isha vhuvhili vhahashiitaga vhahatinji aPafinjile pa Pafinjile.

VaHebuli 9:5

Pamwanya pa mbogooso iyo, páamile iviholanyo vivhili ivwa vhakeluubi vhe vipelwa ivwa ku mwanya vwe vili ni vwapa, vwope vikulolesya uvhushindamu uvhwa Mulungu. Ivwapa vwavho vwágwinshiiye pe uMulungu ahaswililaga avhantu uvhutalamalandu vhwavho. Ileelo ahavhaliilizyo iha tutangalondovhola ahinza zyonti izyo vwe zili.

VaHebuli 9:6

Lwe ivintu vwonti vwagombwa nu kuvivhiiha pe vikwanzilwa, avhapuuti vhahanda kwinjila insiku zyonti mu shumba ishitanzi isho nu kuvhomba imbombo yaavho iya vhupuuti.