VaLoma 9:32 - ULufingwi uLupwa

³² Vhatávhaziliilwe kuuti vhagolosu, mwe pe vhásuvhiiye imbombo zyavho, vhálesile kumwitiha uChilisiti. Vhahapunula pi ivhwe liila ipiti, vhahagwa.

Tesitamenti Umupwa 1965

³² Amwe shonu lelo? She vatali nuvwahayikungule vwa mulwitiho, nkandi vali fwe ngati zikuvapangʼuvugolosu zye mbombo zyavo. Mwe mumwo vahapunula pivwe lya kupunula pupo,

VaLoma 9:32 ပူးပေါင်းရင်းမြစ်များ

Matayi 13:57

Vhahaviitwa nkaani nu kuhaana kumwitiha. Ileelo uYeesu ahavhavhuuzya ahati, “Umukuvhwi akushindikwa ukunji kwonti, ileelo ku mwavho, na ku vhantu avha mu nyumba yaakwe atakushindikwa.”

uLuuka 2:34

Pisinda, uSimiyooni ahavhaloota. Havhili ahamuvhuuzya uMaliiya ahati, “Umwana uno avhisiilwe nu Mulungu kuzya vhantu avhinji mu nsi iya Isilayeeli. Avhantu vhe vhalimuhaana vhalilongwa, ileelo vhe vhalimwitiha vhaliipokwa. Uweene aliivha shilolesyo isha Mulungu kulunjisya ulukasamo lwakwe ku Vhaisilayeeli, ileelo avhantu vhalimuhaana.

uLuuka 7:23

Alosiitwe umuntu we akuniitiha ine ishisita amaganigani!”

VaLoma 10:3

Avheene vhatálimanyile idala lye uMulungu akuvhavhaazya avhantu kuuti vhagolosu, vhahalondola idala ilyavho. Vháhaanile kuyikonzya ku vhwanalyoli uvhwa Mulungu.

VaLoma 11:11

Ishi, nkuvhuziilizya havhili kuuti, vhuli, aVhaisilayeeli vhápunuuye nu kugwa nziila? Ndaali! Te muumwo inga hansi! Ileelo kwi idala lyavho ilya kumuhaana uMuposhi, avhantu vhe te Vhaisilayeeli vháposheleeye uvhuposhi, inga aVhaisilayeeli vhavhalolele umwone.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

1 Peteli 2:6

Izyo zili inza vwe yisimviilwe mu Vhusimbe uVhufinjile kuuti, “Yeenya, mu nkaaya iya Sayuuni mbiisile ivhwe ipiti ilya pa shipembe isha nyumba, ivhwe lye ndisavhuuye lya nsavho nkaani. Umuntu wonti we akumwitiha we livhwe ilyo, te ahasuupile naalumo!”

1 Peteli 2:8

Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.