VaLoma 9:30 - ULufingwi uLupwa

³⁰ Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

Tesitamenti Umupwa 1965

³⁰ Amwe pe tuti vuli lelo? Tutinji avakunzi ve vatahayikungulagʼukwanzʼuvugolosu, vavwazilʼuvugolosu, vwe vugolosu vula vwe vukufuma mulwitiho.

VaLoma 9:30 ပူးပေါင်းရင်းမြစ်များ

VaLoma 10:10

Yeenya, umuntu akwitiha nu mwoyo waakwe, pe akuvhaazilwa kuuti mugolosu, havhili akupemula ni ilomu lyakwe, pe akupokwa.

VaLoma 10:20

Havhili, umukuvhwi uYisaayi akuyanga ku vhudandamazu akuti, “Avhantu vhe vhatahandondolaga, vhe vhandola. Havhili njilolesiizye kuli ivho, vhe vhatahavhuzilizyaga inongwa zyane.”

VaLoma 10:6

Ileelo izya muntu kuvhaazilwa kuuti mugolosu kwi idala ilya lwitiho, uVhusimbe uVhufinjile vhukuti, “Mutayivhuzilizyaje mu mooyo giinyu kuuti, ‘Wu naanu we angaazuvha ku mwanya?’” (Ukwo kwe kumuleeta uChilisiti pansi.)

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

VaLoma 4:11

Kutahiililwa kwakwe sháali shilolesyo ku kwakwe isha kumulolesya kuuti uMulungu ámuvhaziizye kuuti mugolosu kufumiilana nu lwitiho, lwe áamile nalwo lwe ashiili kutahiililwa. Kwi idala ilyo, uAabulahamu wu taata waavho vhonti vhe vhakwitiha, poosye she vhatatahiliilwe, inga vhoope vhavhaazilwe kuuti vhagolosu.

VaLoma 4:13

UMulungu áfinzile nu Aabulahamu na vhantu avha mu luho lwakwe kuuti, aliivhapa insi yonti kuuti yivhe vhupwano vhwavho. UMulungu atáfinzile isho nu Aabulahamu, mwe pe ahazilandataga indajizyo, nkandi, mwe pe ámwitisile uMulungu. Pe uweene uMulungu ahamuvhaazya uAabulahamu kuuti mugolosu.

VaLoma 4:22

Ye nongwa uVhusimbe uVhufinjile vhukuti, uMulungu ámuvhaziizye kuuti mugolosu.

VaLoma 4:9

Vhuli, uvhuloote uvhwo vhwe vhukuyangwa nu Daavhudi, vhwa Vhayuuda vheeka, mwe pe vhatahiliilwe, pamo vhwa pooka na vhantu avhanji, vhe te Vhayuuda vhe vhatatahiliilwe? Mukumbushe kuuti uVhusimbe uVhufinjile vhukuti, uMulungu ámuvhaziizye uAabulahamu kuuti mugolosu kwi idala ilya lwitiho lwakwe kwa Mulungu.

VaLoma 5:1

Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

VaLoma 9:14

Ishi pe tuti vhuli? Tuti, uMulungu te mugolosu? Ndaali, te muumwo inga hansi!

VaLoma 9:31

Havhili kwe kuuti, aVhaisilayeeli vhe vháali nu mute kulandata indajizyo, inga vhavhaazilwe kuuti vhagolosu kwi idala ilyo, vhatávhaziliilwe.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 3:24

Pe ishi, indajizyo izyo zihatulongozyaga ngati musunzi wiitu, kufishila lwe uChilisiti ayinza, inga kwi idala ilya kumwitiha uweene, tuvhaazilwe kuuti twe vhagolosu.

VaGalati 3:8

Havhili uVhusimbe uVhufinjile vhwálolesiizye kufuma hali kuuti, vhe te Vhayuuda vhalivhaazilwa kuuti vhagolosu kwi idala ilya lwitiho lwavho. UMulungu we ámuvhuziizye uAabulahamu Izwi iLyinza ili kuuti, “Kutuushila ku kwaho avhantu avha mu nkolo zyonti vhalilootwa.”

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

VaEfeso 2:12

ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

1 Peteli 4:3

Nkuyanga vhwevhulo, mwe pe hali ahavhaliilizyo honti mu vhulanzi vhwinyu muhavhombaga zye avhantu vhe vhatamwitisile uMulungu vhakusungwa kuvhomba. Ahavhaliilizyo iho muhavhombaga uvhumalaaya nu kulandata impapilo imbiivhi nu vhwashimwela nu vhupafu nu kuvha ni vikulukuulu ivwa kumwela nu kupuuta iviholanyo.