VaLoma 9:3 - ULufingwi uLupwa

³ kuzya vhajenzi vhaane aVhaisilayeeli. Yeenya, inga lwaamile lukasamo lwane, ine neneene, nkandi nitisile kutipwa nu kundehaanya nu Chilisiti, inga kuvhomba vhwevhulo kungavhaavwa avhajenzi vhaane ivho, kuuti vhamwitishe uChilisiti.

Tesitamenti Umupwa 1965

³ She nkandi nalaṿile ukuti ntipwajʼintipo izya kumpagulanya nuChilisiti pazya vamwitu ve tulʼuluho lwoka navo umuvili,

VaLoma 9:3 ပူးပေါင်းရင်းမြစ်များ

iMbombo izya Vhatumwa 13:26

UPaavhuli ahajendeelela kuyanga kuuti, “Mwe vhamwitu, mwe vhaana avha luho ulwa Aabulahamu, niimwe mwe vhanji mwe mukumunyila uMulungu, iswe swenti swe uMulungu atuleteeye izwi ili ilya vhuposhi.

iMbombo izya Vhatumwa 22:5

Umupuuti umupiti pooka na vhasongo avhamwavho vhonti avha mu lukuvhato lwinyu ulwa vhalongozi, vhangahomeshezya kuuti zye nkuvhavhuuzya zya nalyoli. Avheene vhámpiiye avhakalaata, inga mbatwalile aVhayuuda avhamwitu vhe vhakutendama mu nkaaya iya Damaasiki. Nkasogola ukwo, inga mbakunje avhantu vhe vhakumulandata uMwene uYeesu, nu kuvhaleeta ku Yelusaleemu, inga vhaavhape isunde.

iMbombo izya Vhatumwa 28:21

Pe avhapiti ivho, vhahamwamula uPaavhuli vhahati, “Iswe tutali nu kalaata we tuposheleeye kufuma ku Yudeeya we akupanga inongwa zyaho. Havhili ataliipo uwamwitu nuumo we ayinzile ipa kufuma ukwo, nu kuyanga imbiivhi zimo ku zyaho.

VaLoma 1:3

Izwi ilyo lye likumuhomeshezya uMwana waakwe we ápafwilwe inza umuntu mu luho ulwa mwene uDaavhudi.

VaLoma 11:1

Ishi nkuvhuziilizya kuuti, vhuli, uMulungu ávhalesile avhantu vhaakwe aVhaisilayeeli? Ndaali, te muumwo inga hansi! Yeenya, ine neneene ne Mwisilayeeli, mfumile mu mavhanda aga Aabulahamu, mu nkolo iya Benjamiini.

VaLoma 11:14

Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

VaLoma 16:11

Mundamushile uHelodiyooni, uMuyuuda uwamwitu, na vhantu vhe vhali mu nyumba iya Naliikiso, vhe vhamwitisile uMwene uYeesu.

VaLoma 16:21

UTiimoti, umuvhomvi uwamwitu, akuvhalamuha. Havhili, vhoope aVhayuuda avhamwitu avha Luukiyo nu Yaasoni nu Sosipeeteli, vhakuvhalamuha.

VaLoma 16:7

Havhili mundamushile uAndulooniko nu Yuuniya, aVhayuuda avhamwitu vhe vhákunziilwe pooka niine mu jeela. Avhantu ivho vhándongoleeye ine kumwitiha uChilisiti, havhili vhamanyisile nkaani mu vhatumwa.

VaLoma 9:2

Nalyoli, ine indi nu vhuswimiilizu uvhupiti nu vhuvhaavi vhwe vhutakusila mu mwoyo waane,

1 VaKolinti 12:3

Ishi nkuvhavhuuzya kuuti, umuntu wonti we akulongolwa nu Mupepo uwa Mulungu atangayanga kuuti, “UYeesu atifiilwe.” Havhili umuntu wonti we atakulongolwa nu Mupepo uMufinjile atangayanga kuuti, “UYeesu wu Mwene.”

1 VaKolinti 16:22

Umuntu wonti we atakumukunda uMwene uYeesu, atipwaje. Malanaasa, kwe kuuti we Mwene uyinze!

2 VaKolinti 12:15

Ine indi nu luseshelo kufumwa ivintu vwane nu kuyifumwa kuvhaavwa imwe. Ileelo ishi yikuloleha kuuti, lwe ine nkwonjezya kuvhakunda nkaani, nkulola ishikunzi shiinyu shikusheepa kuli ine.

VaGalati 1:8

Ileelo inga umuntu wonti kufuma muli iswe, poosye uhavhizya kufuma ku mwanya, akwinza nu kuvhalumbiilila izwi lye likusugaana na lye návhalumbiliiye ine, uyo atipwe!

VaGalati 1:9

Nkuvhavhuuzya imwe havhili inza vwe návhavhuziizye ahavhaliilizyo haala kuuti, inga umuntu wonti akuvhalumbiilila Izwi iLyinza lye likusugaana na vwe mwáposheleeye, umuntu uyo atipwe!

VaGalati 3:10

Ileelo vhonti vhe vhakusuuvhila kuvhomba zye zikwanzilwa ni ndajizyo, vhali mu ntipo. Nkuyanga vhwevhulo, mwe pe uVhusimbe uVhufinjile vhukuti, “Umuntu wonti we atakujendeelela kulandata zye zisimviilwe mwi ikalaata ilya ndajizyo, atifiilwe.”

VaGalati 3:13

UChilisiti ahatupoha kufuma mu ntipo zye zili mu ndajizyo kwi idala ilya kuzinyatula intipo izyo ku zyitu, mwe pe uVhusimbe uVhufinjile vhukuti, “Wonti we ahomeliilwe pa shihovhenkanyo, atifiilwe.”

VaEfeso 6:5

Niimwe mwe vhazya, mukwanzilwa muvhashindihaje nu kuvhanyila avhamwene vhiinyu. Muvhombaje vhwevhulo ku mwoyo wonti, inza vwe mukumuvhombela uChilisiti.