VaLoma 9:23 - ULufingwi uLupwa

²³ Havhili, mwe pe uMulungu ahanzaga kutulolesya kutangala ukwa vhushindamu vhwakwe uvhupiti,

Tesitamenti Umupwa 1965

²³ havili ukuti avumanyisye uvutangale vwa vumwamu vwakwe mwe munsonta zya lupepelezyo zyʼaziyaninye nzila zivanje zya vumwamu,

VaLoma 9:23 ပူးပေါင်းရင်းမြစ်များ

uLuuka 1:17

Havhili alimulongolela uMwene, aliivha na maha nu mwoyo uwa kumulandata uMulungu inza umukuvhwi uEeliya vwe áamile. Alivhakundanya avhapaafi na vhaana vhaavho, havhili alivhagalulanya vhe vhatakumushindiha uMulungu, kuvha ni nsiivho ingolosu. Alivhomba zyonti izyo, inga avhasengaanye avhantu kumuposheela uMwene uYeesu.”

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

VaEfeso 3:16

Nkulaavha kuuti, kutuushila kwa Mupepo waakwe, aavhape amaha mu mooyo kulandatana nu vhushindamu vhwakwe uvhwa kusukumizya.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

1 VaTesaloniki 5:9

Mwe pe uMulungu atátusavhuuye iswe inga atulovwe ku vhuhalazu vhwakwe, nkandi átusavhuuye inga tuvhwaje uvhuposhi kwi idala ilya Mwene wiitu uYeesu Chilisiti.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.