VaLoma 9:17 - ULufingwi uLupwa

¹⁷ Yeenya, mu Vhusimbe uVhufinjile uMulungu ámuvhuziizye uFalaawo átili, “Nákuvhiisile kuvha we mwene, inga kwi idala lyaho imbalolesye avhantu amaha gaane, havhili inga izina lyane likumushe mu nsi zyonti.”

Tesitamenti Umupwa 1965

¹⁷ Shʼukalata akumuvuzyʼuFalayo akuti: Zye zizyo nkakwimiha iwe, ukuti ngalolesyʼamaha gane pazyaho, ukuti izina lyane likumushe munsi yonti.

VaLoma 9:17 ပူးပေါင်းရင်းမြစ်များ

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

VaLoma 11:4

Vhuli, uMulungu ámwamuuye uEeliya átili vhuli? Átili, “Njilesheeye avhantu 7,000 ku Isilayeeli ukwo vhe vhatakumupuuta uBaali.”

VaGalati 3:22

Ileelo te vwe zili. UVhusimbe uVhufinjile vhukuti, avhantu vhonti vhakulongolwa na maha aga vhutalamalandu. Avhiitisi vheeka vhweleele vhe vhakuvhombelwa ziila zye uMulungu áfinzile, mwe pe vhakumwitiha uYeesu Chilisiti.

VaGalati 3:8

Havhili uVhusimbe uVhufinjile vhwálolesiizye kufuma hali kuuti, vhe te Vhayuuda vhalivhaazilwa kuuti vhagolosu kwi idala ilya lwitiho lwavho. UMulungu we ámuvhuziizye uAabulahamu Izwi iLyinza ili kuuti, “Kutuushila ku kwaho avhantu avha mu nkolo zyonti vhalilootwa.”

VaGalati 4:30

Ileelo uVhusimbe uVhufinjile vhukuti vhuli? Vhukuti, “Umushimbizye umwantanda umuzya pooka nu mwana waakwe, mwe pe umwana uwa muzya, atakuposheela uvhupwano pooka nu mwana uwa mwantanda umusatushe.”