VaLoma 9:1 - ULufingwi uLupwa

¹ Nkuyanga uvhwanalyoli, mwe pe nkumwitiha uChilisiti. Havhili umwoyo waane we wukulongolwa nu Mupepo uMufinjile, woope wukuhomeshezya kuuti nkuyanga uvhwanalyoli, ntakuluma ilenga.

Tesitamenti Umupwa 1965

¹ Nkuyanga nalyoli ne ndi mwa Chilisiti, ntakuyangʼizyʼilenga, Zyope ninyenyezyo zyane zikunkomeshezya mwa MupepʼuMufinjile,

VaLoma 9:1 ပူးပေါင်းရင်းမြစ်များ

VaLoma 1:9

UMulungu we nkumuvhombela ku mwoyo waane wonti, lwe nkuvhalumbiilila avhantu avhanji Izwi iLyinza ilya Mwana waakwe, wu hoome waane. Amanyile vwe nkuvhalaavhila imwe ahavhaliilizyo honti ishisita kulita.

VaLoma 2:15

Avhantu ivho vwe vhali, yikulolesya kuuti zye zikuyangwa mu ndajizyo zisimviilwe mu mooyo gaavho. Yikulolesya vhwevhulo, mwe pe amooyo gaavho ni nsiivho zyavho lumo zikuvhahomeshezya kuuti vhakuvhomba imbiivhi, havhili lumo zikuvhahomeshezya kuuti vhakuvhomba zye zikwanzilwa.

VaLoma 8:16

UMupepo uyo we akuhomeshezya mu mooyo giitu kuuti iswe swe vhaana vha Mulungu.

VaLoma 9:2

Nalyoli, ine indi nu vhuswimiilizu uvhupiti nu vhuvhaavi vhwe vhutakusila mu mwoyo waane,

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 1:23

Ntiinzile havhili ku Kolinto ukwo, mwe pe ntanzaga kuvhavwalazya amooyo giinyu. Zye nkuyanga zya nalyoli, uMulungu wu hoome.

2 VaKolinti 11:10

Inza vwe uvhwanalyoli uvhwa Chilisiti vhuli muhati yaane, ataliipo umuntu nuumo mu shigavho isha nsi isha Akaaya, we angandinda kuyitumvwa kuzya kulumbiilila kuli imwe ishisita kuposheela ivwa kunaavwa kufumwa kuli imwe.

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

2 VaKolinti 12:19

Pamo mukusiivha kuuti ahavhaliilizyo honti iha, tukuyiyanjila, inga mutahatulole kuuti twe vhavhiivhi. Iswe tukuyanga izi, mwe pe twe vhavhomvi avha Chilisiti, nu Mulungu amanyile. Vhankundwa vhaane, tukuvhomba izi zyonti kuvhazenga imwe mu lwitiho.

VaGalati 1:20

Nkulapa pilongolela ilya Mulungu, kuuti izi zye nkuvhasimbila, ntakuluma ilenga.

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

1 VaTesaloniki 2:5

Mumanyile kuuti tutahayangaga amazwi, inga mutusungwe, poosye kuyanga amazwi ge te ga nalyoli inga tulyaje ilonka. UMulungu wu hoome!

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

1 Timoti 5:21

Nkukulajizya pilongolela ilya Mulungu na pilongolela ilya Chilisiti uYeesu na vhahavhizya vhaakwe avhasaavhulwa, kuuti uzilandataje izyo ishisita kusavhulanya avhantu.