VaLoma 8:6 - ULufingwi uLupwa

⁶ Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

Tesitamenti Umupwa 1965

⁶ Shʼukwenʼukusiva kwa muvili wa mbivi kwe vufwe, nkandʼukwenʼukusiva kwa Mupepo kwe vulanzi nulusankano.

VaLoma 8:6 ပူးပေါင်းရင်းမြစ်များ

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 5:1

Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

VaLoma 6:21

Vhuli, ahavhaliilizyo iho lwe muhavhombaga izyo zye ishi mukuzilolela insoni, mwáposheleeye lilonka vhuli? Uvhwanalyoli vhwe vhuno, zitali ni ilonka naalimo, uvhusililishilo vhwakwe vhufwe!

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 7:11

Yeenya, uvhutalamalandu kutuushila indajizyo izyo, vhuhankopenkanya nu kungoga.

VaLoma 7:5

Ahavhaliilizyo he uvhuntu vhwitu uvhwa vhutalamalandu vhuhatukonzyaga iswe, indajizyo zyávhiisile impapilo imbiivhi izya mu mavhili giitu kuuti zivhe na maha nkaani. Ishi she shátuvhiisile kuuti tunyonywaje kuvhomba uvhutalamalandu ahavhaliilizyo honti. Ilyo lye lyátupeleeye uvhufwe.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

VaLoma 8:27

Uweene uMulungu we akupenza zye zili mu mooyo aga vhantu, azimanyile insiivho izya Mupepo uMufinjile. Yeenya, uMupepo uyo akuvhalaavhila avhafinjile inza vwe uMulungu akwanza.

VaLoma 8:7

Yeenya, avhantu vhe vhakulongolwa nu vhuntu uvhwa vhutalamalandu vhakuyipela kuvha vhalugu vha Mulungu, mwe pe vhatakuzilandata indajizyo izya Mulungu inga hansi, havhili vhatangazilandata.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaGalati 6:8

Yeenya, we akuvhulandata uvhuntu uvhwa vhutalamalandu, aliivuna uvhufwe. Ileelo we akumulandata uMupepo uMufinjile, aliivuna kufuma ku kwakwe uvhulanzi uvhwa shiima.