VaLoma 8:38 - ULufingwi uLupwa

³⁸ Nalyoli imanyile kuuti naashimo ishintu she shingatulehaanya ni shikunzi isha Mulungu. Vhuvhe vhufwe, poosye vhulanzi, vhavhe vhe vhahavhizya, poosye avha maha ku mwanya, zivhe zye ziliipo, poosye zye zikwinza, poosye vivhe vipelwa vwe vili na maha,

Tesitamenti Umupwa 1965

³⁸ Shʼimanyilʼine nalyoli ukuti ṿwonti nga vufwe, nga vulanzi, nga ve vahavizya, nga mpepo zya vumwene, nga tuntu twa shinishi natwe tuliyinza, nga maha gamo ge galipo,

VaLoma 8:38 ပူးပေါင်းရင်းမြစ်များ

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

VaLoma 14:7

Mwe pe iswe ataliipo we akulandila kwi ilonka lyakwe, havhili ataliipo we akufwa kwi ilonka lyakwe wuuyo.

VaLoma 14:8

Inga tukulandila, tukulandila ku vhushindamu uvhwa Mwene, poosye inga tukufwa, tukufwa ku vhushindamu vhwakwe. Pe ishi, inga tukulandila, poosye inga tukufwa, tuli she tukuvha twe vhantu vha Mwene uYeesu.

VaLoma 4:21

mwe pe nalyoli ámanyile kuuti uMulungu kwe avhombe ziila zye áfinzile ku kwakwe.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 15:24

Ipo pe vhuliyinza uvhusililishilo uvhwa vwonti, ahavhaliilizyo he uChilisiti aliimupa uTaata uMulungu uvhumwene vhwakwe, lwe uChilisiti aalovwa uvhulongozi vhwonti na maha gonti nu vhupiti vhwonti.

2 VaKolinti 11:14

Kuli ilyo tutakusukumila, mwe pe woope uSeetano wuuyo akuyigalulanya kuvha ngati wu havhizya uwa vhuzelu.

2 VaKolinti 4:13

Mu Vhusimbe uVhufinjile gasimviilwe amazwi ge gakuti, “Námwitisile uMulungu, ye nongwa náyanzile.” Niiswe tuli nu mwoyo uwa kwitiha inza uwo, ye nongwa tukuyanga.

VaEfeso 1:21

Ishi uChilisiti ali na maha amasisya kuluusya ivipelwa vwonti vwe vili nu vhupiti, poosye amaha, poosye uvhumwene, poosye vwe vikukonzya. Te kuuti ali na maha amasisya ku havhaliilizyo hanaaha vhweleele, ali na maha amasisya poosye na ku havhaliilizyo he hakwinza.

Kolosi 1:16

Kufumiilana nu weene, uMulungu ápezile ivintu vwonti, vwe vili ku mwanya na vwe vili pa nsi, vwe vikuloleha na vwe vitakuloleha, kwe kuuti impepo zye zikukonzya, poosye zye vhe vhamwene, poosye zye mpiti, poosye izya maha. UMulungu ápezile vwonti kufumiilana nu Mwana, havhili ku vhushindamu uvhwa Mwana uyo.

Kolosi 2:15

UMulungu ahazifwula amaha impepo zye zili na maha amasisya na zye zikukonzya. Ahazisuupizya apazelu. Ahazilongozya ngati vhagomwa, lwe akuseshela uvhupooti pa shihovhenkanyo.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.