VaLoma 8:36 - ULufingwi uLupwa

³⁶ Izyo zikuvhalilana nu Vhusimbe uVhufinjile vwe vhusimviilwe kuuti, “Insiku zyonti, tukupulumulwa kutugoga, mwe pe tukukuvhombela iwe. Iswe tukuvhombelwa havhiivhi inza ingʼonzi zye zikusogola kuvhoolwa.”

Tesitamenti Umupwa 1965

³⁶ Inza she lisimṿilwe lye likuti: She swe vantu vaho, mwe tukugojelwa shima ukufuma shanzanche ukufiha shamazuva. Lwe vakutusivʼavantu pe vakuti swe ngʼonzi zya kuvolwa.

VaLoma 8:36 ပူးပေါင်းရင်းမြစ်များ

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

iMbombo izya Vhatumwa 8:32

UVhusimbe uVhufinjile uvhwo vhwe umupiti uyo ahavhazyaga, vhukuti, “Vhámulongoleziizye ngati ngʼonzi ye vhakusogola kuyivhoola, ápuumile vhweleele, inza ahagonzi vwe hakupuuma lwe vhakuhatenda amasepe.

1 VaKolinti 15:30

Niiswe shooni she tukuyivhiiha mu mayimba insiku zyonti?

1 VaKolinti 15:31

Vhamwitu, insiku zyonti indi mu mayimba aga vhufwe. Kuyitumvwa kwane ku zyinyu, kwe kuli mwa Chilisiti uYeesu uMwene wiitu, kwe kumbiisile kuyanga amazwi iga.

1 VaKolinti 4:9

Ileelo iswe twe vhatumwa, uMulungu atuvhiisile kuvha twe vhantu avha kutusuufwa kuluusya avhanji vhonti. Tuli inza avhantu vhe vhalonziilwe kuvhagoga pilongolela ilya vhantu avhinji. Tuvhisiilwe kuvha twe vhakusesya mu nsi yonti, ku vhahavhizya na ku vhantu vhonti.

2 VaKolinti 1:9

Nalyoli twáli ngati vhantu vhe vhalonziilwe kuvhagoga. Ilyo lyáfumiiye inga tuleshe kusuuvhila amaha giitu, nkandi uMulungu we akuvhazyusya avhafwe.

2 VaKolinti 11:23

Ishi injanje ngati mpenile! Inga avheene vhavhomvi vha Chilisiti, ine ne muvhomvi uwa Chilisiti kuluusya avheene. Ine mbomvile imbombo ku mute kuluusya avheene, ulwinji nkunziilwe mu jeela, havhili nkomwilwe nkaani, havhili ulwinji mpulumusile kufwa.

2 VaKolinti 6:9

Tukuloleha tutamanyisile, fwandi tumanyisile nkaani, tukuloleha tufuuye, fwandi twe vhapuuma, tuhomwilwe nkaani, ileelo vhatatugozile.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.