VaLoma 8:34 - ULufingwi uLupwa

³⁴ Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

Tesitamenti Umupwa 1965

³⁴ Pʼunanu angavalongʼilya kuvatupula? WʼuChilisiti Yesu wʼafuye, havili ahapitilizya shʼahazyuha, wʼali kumuhonʼumulilo wa Mulungu, wʼakutwimilʼiswe.

VaLoma 8:34 ပူးပေါင်းရင်းမြစ်များ

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 16:23

Havhili lwe ahavhaliilizyo iho haafiha, te muhandaavhe naashimo. Nalyoli nkuvhavhuuzya kuuti, zyonti zye mukumulaavha uTaata uMulungu kwi izina lyane, aliivhapa.

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

VaLoma 14:13

Ishi, tuleshe kulongana, poosye kuvhomba lyonti lye lingamupelela uwamwitu kupunula, poosye kuvhomba uvhutalamalandu.

VaLoma 14:9

Kuli izyo, uChilisiti áfuuye nu kuzyuha, inga avhe wu Mwene uwa vhantu vhonti, avhafwe na vhalanzi.

VaLoma 4:25

UMulungu ámufumwizye uYeesu kuvha mpuutile kuzya vhutalamalandu vhwitu, havhili ámuzyusiizye, inga tuvhaazilwe kuuti swe vhagolosu.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaLoma 8:27

Uweene uMulungu we akupenza zye zili mu mooyo aga vhantu, azimanyile insiivho izya Mupepo uMufinjile. Yeenya, uMupepo uyo akuvhalaavhila avhafinjile inza vwe uMulungu akwanza.

Kolosi 3:1

Ishi, mwe pe uMulungu avhazyusiizye pooka nu Chilisiti, mulondolaje izya ku mwanya, kwe uChilisiti atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.