VaLoma 8:3 - ULufingwi uLupwa

³ Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

Tesitamenti Umupwa 1965

³ She huho he zipositʼukuvomba inkomelezyo muvutonsu vwa muvili wa mbivi, hʼavomṿilʼuMulungu lwʼamutumilʼuMwana wakwe muluholanyo lwa vutalamalandu vwa muvili, shʼakumbusilʼuvutalamalandu, ahavusyusyutanyʼuvutalamalandu mumuvili wa vuntu,

VaLoma 8:3 ပူးပေါင်းရင်းမြစ်များ

Maliko 15:27

Ipo kwáli avhapumula vintu vhavhili. Vhoope vhahahomeelwa pa vihovhenkanyo vwavho pooka nu Yeesu, wumo ku luvhazu ulwa kundiilo ulwa Yeesu, uwamwavho ulwa kumongo.

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 9:24

Pe avhalongozi avha Vhayuuda vhahamwita havhili ulwa vhuvhili umuntu we áamile wu ntonko, vhahamuvhuuzya vhahati, “Lapa kwa Mulungu, kuuti ukuyanga uvhwanalyoli! Iswe tumanyile kuuti umuntu uyo we aakuponiizye, mutalamalandu.”

iMbombo izya Vhatumwa 13:39

Wonti we akumwitiha uweene, akuvhaazilwa kuuti mugolosu, inongwa zye zitangavhombeha kutuushila kuzilandata indajizyo izya Moose.

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 7:18

Imanyile kuuti muhati yaane, kwe kuuti mu vhuntu vhwane uvhwa vhutalamalandu mutali ishintu ishinza naashimo. Yeenya, nkwanza kuvhomba inyinza, ileelo yitakuvha vhwevhulo.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

VaLoma 9:3

kuzya vhajenzi vhaane aVhaisilayeeli. Yeenya, inga lwaamile lukasamo lwane, ine neneene, nkandi nitisile kutipwa nu kundehaanya nu Chilisiti, inga kuvhomba vhwevhulo kungavhaavwa avhajenzi vhaane ivho, kuuti vhamwitishe uChilisiti.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 3:13

UChilisiti ahatupoha kufuma mu ntipo zye zili mu ndajizyo kwi idala ilya kuzinyatula intipo izyo ku zyitu, mwe pe uVhusimbe uVhufinjile vhukuti, “Wonti we ahomeliilwe pa shihovhenkanyo, atifiilwe.”

VaGalati 3:21

Vhuli, indajizyo zitakuvhalilana na zye áfinzile uMulungu? Ndaali, te muumwo inga hansi! Yeenya, inga zyaaliipo indajizyo zye zingaavhapa avhantu uvhulanzi, pe nkandi tukuvhaazilwa kuuti twe vhagolosu kwi idala ilya ndajizyo.

Filipi 2:7

Ileelo ahalileha ilyo, ahanyatula ishiholanyo inza isha muzya, ápafwilwe inza avhantu, ahavha muntu inza avhanji.

VaHebuli 10:12

Ileelo uChilisiti áyifumwizye lwoka vhweleele kuvha mpuutile, inga atuzelufwe uvhutalamalandu vhwitu. Uweene we mpuutile iya shiima. Kuli izyo, atendiime uluvhazu ulwa nyoovhe iya kundiilo iya Mulungu pa vhushindamu uvhupiti nkaani.

VaHebuli 10:14

Kwi idala ilya Yeesu kuyifumwa lwoka vhweleele, avhazelufwizye avhantu vhaakwe shiima.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.