VaLoma 8:28 - ULufingwi uLupwa

²⁸ Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

Tesitamenti Umupwa 1965

²⁸ Nkandi tumanyilʼiswe ukuti utuntu twonti tukutulana ukupelʼiṿwinza kuli vonti venga vamukunzitʼuMulungu, nkutaha vuvo vʼavisite, mwʼavalulumiye nzilʼuwene.

VaLoma 8:28 ပူးပေါင်းရင်းမြစ်များ

Maliko 12:30

Niimwe mumukundaje uMWENE wiinyu uMulungu ku mooyo giinyu gonti na ku vhulanzi vhwinyu vhwonti na ku njeele zyinyu zyonti na ku maha giinyu gonti.’

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

VaLoma 11:29

Akujendeelela kuvhakunda, mwe pe uMulungu atakwandula insiivho zyakwe kuli ivho vhe avhiisite nu kuuvhapa ivipeelwa.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

1 VaKolinti 1:2

tukuvhalamuha imwe, mwe vha mu shivhanza isha Mulungu, she shili mu nkaaya iya Kolinto, imwe mwe uMulungu avhasavhuuye kuvha nu vhuliilani nu Chilisiti uYeesu. Mwisiitwe kuvha mwe vhafinjile pooka na vhantu vhonti avha mu mbazu zyonti vhe vhakumulaavha uYeesu Chilisiti, uweene we wu Mwene waavho havhili wiitu niiswe.

1 VaKolinti 1:24

Ileelo ku vhaala vhe uMulungu avhiisite kuvha vhantu vhaakwe, vhavhe Vhayuuda, poosye vhe te Vhayuuda, uChilisiti maha aga Mulungu, havhili vhushindamu uvhwa njeele uvhwa Mulungu.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

2 VaKolinti 5:1

Tumanyile kuuti lwe tuli pa nsi ipa amavhili giitu liheema ilya havhaliilizyo hansi vhweleele. Ileelo lwe lyananjiha, uMulungu aliitupa uvhuyo ku mwanya uvhwa shiima, vhwe vhutali inza inyumba ye yizengwilwe na vhantu.

VaGalati 1:15

Ileelo uMulungu ku vhwila vhwakwe, ánsavhuuye lwe nshiili nu kupaapwa, ahaniita kumuvhombela.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaGalati 5:8

We avhasonziizye kuvhomba izyo, te wu Mulungu we akuvhiita imwe.

VaEfeso 3:11

Ulwo lwe lwáli lukasamo ulwa Mulungu kufuma amanda gonti aga hali. Álulunjisiizye kutuushila imbombo ye uMwene wiitu uChilisiti uYeesu áyivhomvile.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

Filipi 3:14

Ishi nkujendeelela kudaga, inga mposheele ishipeelwa. Ishipeelwa isho, lwito ulupiti lwe uMulungu anitiiye mwa Chilisiti uYeesu.

1 VaTesaloniki 5:9

Mwe pe uMulungu atátusavhuuye iswe inga atulovwe ku vhuhalazu vhwakwe, nkandi átusavhuuye inga tuvhwaje uvhuposhi kwi idala ilya Mwene wiitu uYeesu Chilisiti.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

1 Yohani 4:19

Iswe tuli ni shikunzi, mwe pe uweene we átalisile kutukunda.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.