VaLoma 8:26 - ULufingwi uLupwa

²⁶ Pooka niizyo, uMupepo uMufinjile we akutwavwaga mu vhuyeyevhazu vhwitu, mwe pe iswe tutamanyile vwe yikwanzilwa kulaavha, nkandi uMupepo uMufinjile wuuyo akutulaavhila ku nkuuta iya vhuswimiilizu ye yitangalondovholwa.

Tesitamenti Umupwa 1965

²⁶ Wope nuMupepo vovulo ahatutula muvutonsi vwitu. Shʼiswe tutamanyile zye zihondeyʼukuputa, nkandʼuMupepo akutwimila, akutuyanjila muzya kuvuvula ukusitamazwi nagamo.

VaLoma 8:26 ပူးပေါင်းရင်းမြစ်များ

Matayi 10:20

Nkuyanga vhwevhulo, mwe pe te mwemwe muliyangaga, nkandi uMupepo uwa Taata wiitu uMulungu we aliyangaga kutuushila muli imwe.

Matayi 20:22

UYeesu ahavhaamula ahati, “Mutamanyile zye mukulaavha. Vhuli, mungayimba amayimba inza ge nandi nsogole kuyimba ine?” Vhoope vhahamwamula vhahati, “Eena tungayifumwa.”

uLuuka 22:44

Ileelo uYeesu ahonjezya kulaavha, mwe pe áamile nu vhuvhaavi nkaani. Lwe akulaavha, amatwinsi ge gáali inza amavhanda ge gahazwilaga pansi.

Yohani 14:16

Pe niine kwe imulaavhe uTaata kuuti aavhape uMutuuli uwamwavho, havhili uyo, kuuti avhe pooka niimwe shiima.

VaLoma 15:1

Ishi iswe twe tugomile mu lwitiho, yikwanzilwa tuvhajimbililaje vhaala vhe vhatagomile mu lwitiho, tuleshe kuvhomba ziila zye zikutuhondezya sweneeswe.

VaLoma 7:24

Nasheela ine! Wu naanu we kuuti amposhe nu muvhili uno we wukuntwala ku vhufwe?

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

2 VaKolinti 5:2

Lwe tuli mu nsi umu, mu mooyo giitu tukuvhuvhula. Kuli izyo, tukusungwa mu mwoyo nkaani kusogola mu vhuyo vhwitu uvhwa ku mwanya, ukwo uMulungu alituzwalizya amavhili amapwa.

2 VaKolinti 5:4

Lwe tushiili tuli na mavhili iga ge liheema ilya havhaliilizyo hansi, tukuvhuvhula mu mooyo giitu kuzya muligo umumwamu. Te kuuti tukwanza kuzuula umuvhili uno we wukufwa, tukwanza kutuzwalizya umuvhili we wutakufwa, inga umuvhili uno we wukufwa wumilwe na we wutakufwa.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

VaHebuli 5:2

Uweene angavhafwila uvhwila avhamwavho vhe vhatakumanya na vhe vhakupuvha, mwe pe woope muyeyevhazu.

Yakobu 4:3

Havhili lwe mukulaavha, mutakuposheela, mwe pe mukulaavha ku nsiivho imbiivhi. Mukulaavha, inga viila vwe mwaposheela muvivhombele kuzikwilizya impapilo zyinyu.