VaLoma 8:24 - ULufingwi uLupwa

²⁴ Ulusuuvhilo ulwo tuli nalwo kufuma pe uMulungu átuposile. Ileelo inga tukushilola she tukushisuuvhila, shitakuvha sha kushiguliilila. Vhuli, wu naanu we akugulililaga kupeelwa ishintu she ali nasho?

Tesitamenti Umupwa 1965

²⁴ She tuhapokwa mulusuvilo. Ulusuvilo lwe lukuloleha pe te lusuvilo. Amwʼunanu wʼangasuvila ṿwengʼakuṿilola?

VaLoma 8:24 ပူးပေါင်းရင်းမြစ်များ

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:4

Zyonti zye zyásimviilwe hali, zyásimviilwe kuvha nsambiilizyo zyitu. UVhusimbe uvhwo vhukutwavwa kujimbiilila nu kutusuvhaalizya, lwe tukuguliilila kuuti zilunjishe zye uMulungu áfinzile.

VaLoma 4:18

Pooka nu kuuti amazwi aga Mulungu gáali magomu kugiitiha, uAabulahamu ágitisile nu kusuuvhila. Pe ahavha wu taata uwa nkolo inyinji, inza vwe uMulungu ámuvhuziizye kuuti, “Avhantu avha mu luho lwaho vhaliivha vhinji inza inzota.”

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 8:20

Ivipelwa vwonti vwásheefile uvhumwamu, te kuuti vwávhisiilwe vhwevhulo ku lukasamo lwavho, nkandi ku lukasamo ulwa Mulungu wuuyo. Pooka niizyo, vikusuuvhila ku mwoyo wonti,

1 VaKolinti 13:13

Ivintu ivi vitatu, ulwitiho nu lusuuvhilo ni shikunzi te vihaasile naalumo. Ileelo she shipiti muli ivwo, shikunzi.

2 VaKolinti 4:18

Yeenya, ivintu vwe vikuloleha, vwa havhaliilizyo hansi vhweleele. Ileelo ivintu vwe vitakuloleha, vwa shiima, ye nongwa tukuvisaajila ivintu vwe vitakuloleha.

2 VaKolinti 5:7

Yeenya, tukulandila kwi idala ilya lwitiho, tutakulandila kwi idala ilya vintu vwe vikuloleha.

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

1 VaTesaloniki 5:8

Ileelo iswe, mwe pe tuli mu vhuzelu uvhwa musanya, tuyikonzyaje. Tuvhanje nu lwitiho ni shikunzi, ivwo vikuvha ngati mpinjiho ku shifuvha. Havhili tumusuvhilaje uMulungu kutupoha, pe tukuvha ngati tuzwaye inkwela kwi itwe.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

VaHebuli 11:1

Kumwitiha uMulungu kwe kuvha nu vhwanalyoli kuuti ziila zye tukuzisuuvhila zilivhombeha. Havhili kwe kwitiha kuuti ziila zye tutakuzilola ishi zya nalyoli.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.