VaLoma 8:23 - ULufingwi uLupwa

²³ Havhili, te vwe vipelwa vweka vwe vikuvhuvhula ku vhuvhaavi. Niiswe vhweleele tukuvhuvhula nkaani mu mooyo giitu, poosye inga tupeliilwe uMupepo uMufinjile we shipeelwa ishitanzi isha Mulungu. Tukuvhuvhula, mwe pe tukuguliilila kuuti uMulungu aatupe amaha gonti aga kuvha swe vhaana vhaakwe, kwe kuuti, kugatavhula amavhili giitu.

Tesitamenti Umupwa 1965

²³ Havili te ṿiṿwo ṿweka ndali, naswe vwelele swe tutomoyʼuMupepo, tukuvuvula muhati lwe tukugulilila nkani uvwana nukutavulwʼumuvili.

VaLoma 8:23 ပူးပေါင်းရင်းမြစ်များ

uLuuka 20:36

Pooka niizyo te vhahaafwe havhili, mwe pe vhaliivha inza avhahavhizya. Vhakuvha vhaana vha Mulungu, mwe pe vhazyusile.

uLuuka 21:28

Izyo zyonti, lwe zyaakwanda kuvhombeha, muhavhanje nu lusuuvhilo nu luseshelo, mwe pe izyo zililolesya kuuti uMulungu apalamiiye kuvhatavhula!”

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

VaLoma 5:3

Havhili, poosye inga gatwinzila amayimba gonti, iswe tukujendeelela kuvha nu luseshelo, mwe pe tumanyile kuuti amayimba gakutuleetela uvhujimbiilizu.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 7:24

Nasheela ine! Wu naanu we kuuti amposhe nu muvhili uno we wukuntwala ku vhufwe?

VaLoma 8:19

Yeenya, ivipelwa vwonti vikuguliilila ku mwoyo wonti ahavhaliilizyo he uMulungu alivhalolesya apazelu avhaana vhaakwe.

1 VaKolinti 1:7

Poosye ishi mutasovheliilwe ishikunjilwa inga shooka isha Mupepo uMufinjile, lwe mukuguliilila kugaluha ukwa Mwene wiitu uYeesu Chilisiti.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

2 VaKolinti 7:5

Lwe twafiha ku Makedooniya twaaposiitwe kutuuzya, mwe pe twaamile na mayimba imbazu zyonti, kunzi kwaamile uvhulugu, muhati mu mooyo giitu mwaamile ilyoga.

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

VaEfeso 1:14

UMulungu átupiiye uMupepo waakwe avhe shintu isha kuyipinjiha, kutuhomeshezya kuposheela uvhupwano vhwakwe, kufishila pe alitutavhula iswe swe vhantu vhaakwe. Avhomvile vhwevhulo, inga atimwaje ku vhushindamu vhwakwe!

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.