VaLoma 8:14 - ULufingwi uLupwa

¹⁴ Vhonti vhe vhakulongolwa nu Mupepo uwa Mulungu vhe vhaana vha Mulungu.

Tesitamenti Umupwa 1965

¹⁴ She vonti vengʼakuvajenzyʼuMupepo wa Mulungu, avene ve vana-Mulungu.

VaLoma 8:14 ပူးပေါင်းရင်းမြစ်များ

Matayi 5:9

Vhalosiitwe vhe vhakuvhakundanya avhamwavho, mwe pe uMulungu alivhiita kuuti vhaana vhaakwe.

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

VaLoma 8:19

Yeenya, ivipelwa vwonti vikuguliilila ku mwoyo wonti ahavhaliilizyo he uMulungu alivhalolesya apazelu avhaana vhaakwe.

VaLoma 8:5

Vhe vhakulongolwa nu vhuntu uvhwa vhutalamalandu, injeele zyavho zikusiivha kwe kuvhomba uvhutalamalandu. Ileelo vhaala vhe vhakulongolwa nu Mupepo uMufinjile, injeele zyavho zikusiivha kuvhomba zye uMupepo uMufinjile akusungwa.

VaLoma 8:9

Ileelo imwe mutakulongolwa nu vhuntu uvhwa vhutalamalandu, mukulongolwa nu Mupepo uMufinjile, inga nalyoli uMupepo uwa Mulungu akulandila muli imwe. Ileelo umuntu we atali nu Mupepo uwa Chilisiti, uyo te wa Chilisiti.

VaLoma 9:26

Havhili, “Poope ipo pe vhívuuye kuuti, ‘Imwe te mwe vhaane,’ ipo vhaliyangwa kuuti, ‘Vhaana vha Mulungu uMulanzi.’”

VaLoma 9:8

Amazwi igo kwe kuuti, avhaana vhe vhápafwilwe kulandatana na vwe uAabulahamu ahanzaga, vhatakuvhaazilwa kuuti vhaana vha Mulungu, nkandi avhaana vha Aabulahamu vhe vhápafwilwe kulandatana nu lufingwi ulwa Mulungu vhe vhakuvhaazilwa kuuti vhaana vha Mulungu.

2 VaKolinti 6:18

Havhili uMWENE uMulungu uwa Maha Gonti akuyanga akuti, “Kwe mbe ne Taata wiinyu, niimwe kwe muvhe mwe vhaana vhaane avhanaavuli na vhalindu.”

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaGalati 4:5

Ámusonteleziizye, inga avhatavhule vhe vháali vhazya avha ndajizyo izya Moose. Ávhomvile vhwevhulo, inga iswe swenti tuvhe twe vhaana vha Mulungu.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaGalati 5:16

Ishi nkuvhavhuuzya kuuti, ulujendo lwinyu lulongolwaje nu Mupepo uMufinjile, pe te muhalandate havhili impapilo izya vhuntu vhwinyu uvhwa vhutalamalandu.

VaGalati 5:18

Ileelo inga mukulongolwa nu Mupepo, mutakuvha mwe vhazya avha ndajizyo.

VaEfeso 1:5

uMulungu álongoleeye kwamula kutuvhiiha kuvha swe vhaana vhaakwe kutuushila kwa Yeesu Chilisiti. Ávhomvile vhwevhulo, kulandatana nu lukasamo lwakwe na vwe yámuhondeziizye,

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.

Ishitushizya 21:7

Ula we alipoota indingo, aliposheela isho, niine ndiivha ne Mulungu waakwe, woope aliivha mwana waane.