VaLoma 8:11 - ULufingwi uLupwa

¹¹ Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

Tesitamenti Umupwa 1965

¹¹ Apene nyene uwenʼuMupepo wʼuno wʼamuzyusizye kuvafwe uYesu, ingʼazenzile muhati zyinyu, pʼuno wʼamuzyusizye uChilisiti Yesu kuvafwe aligapʼuvulanzi namavili ginyu amafwe muMupepo wakwe we muli nawo muhati zyinyu.

VaLoma 8:11 ပူးပေါင်းရင်းမြစ်များ

Yohani 14:17

UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

VaLoma 16:10

Mundamushile uApeele, we atuusile mu ndingo inyinji nu kwitishilwa nu Chilisiti, havhili mundamushile avhantu avha mu nyumba iya Alisitoobulo.

VaLoma 16:3

Mundamushile uPuliisila nu Aakila, avhavhomvi avhamwitu mu mbombo iya Chilisiti uYeesu.

VaLoma 16:7

Havhili mundamushile uAndulooniko nu Yuuniya, aVhayuuda avhamwitu vhe vhákunziilwe pooka niine mu jeela. Avhantu ivho vhándongoleeye ine kumwitiha uChilisiti, havhili vhamanyisile nkaani mu vhatumwa.

VaLoma 16:9

Mundamushile uAlubaano, umuvhomvi uwamwitu mu mbombo iya Chilisiti, pooka nu nkundwa waane uSitaaku.

VaLoma 6:12

Pe ishi, mutahaaleshe uvhutalamalandu vhugakonzye amavhili giinyu ge gakufwa. Inga mwaleha vhwagakonzya, vhulivhapelela kulandata impapilo imbiivhi izya mavhili giinyu.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaLoma 8:12

Pe ishi, vhamwitu, iswe mu vhulanzi vhwitu tutakwanzilwa kulongolwa nu vhuntu uvhwa vhutalamalandu.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaLoma 8:9

Ileelo imwe mutakulongolwa nu vhuntu uvhwa vhutalamalandu, mukulongolwa nu Mupepo uMufinjile, inga nalyoli uMupepo uwa Mulungu akulandila muli imwe. Ileelo umuntu we atali nu Mupepo uwa Chilisiti, uyo te wa Chilisiti.

1 VaKolinti 15:16

Nkuyanga vhwevhulo, mwe pe inga avhafwe vhatakuzyuha, woope uChilisiti atázyusile.

1 VaKolinti 6:14

Inza vwe uMulungu ámuzyusiizye uMwene uYeesu, vhwevhulo ku maha gaakwe, alituzyusya niiswe.

2 VaKolinti 4:11

Yeenya, iswe twe vhapuuma, ahavhaliilizyo honti tuli mu ntamwo izya kufwa kuzya Yeesu, inga uvhulanzi vhwakwe vhuloleshe mu mavhili giitu ge gakufwa.

2 VaKolinti 4:14

Tukuyanga izyo, mwe pe tumanyile kuuti uMulungu we ámuzyusiizye uMwene uYeesu, alituzyusya niiswe. Uweene alituvhiiha pooka niimwe, inga tuhatendame nu Yeesu.

2 VaKolinti 5:4

Lwe tushiili tuli na mavhili iga ge liheema ilya havhaliilizyo hansi, tukuvhuvhula mu mooyo giitu kuzya muligo umumwamu. Te kuuti tukwanza kuzuula umuvhili uno we wukufwa, tukwanza kutuzwalizya umuvhili we wutakufwa, inga umuvhili uno we wukufwa wumilwe na we wutakufwa.

VaGalati 6:8

Yeenya, we akuvhulandata uvhuntu uvhwa vhutalamalandu, aliivuna uvhufwe. Ileelo we akumulandata uMupepo uMufinjile, aliivuna kufuma ku kwakwe uvhulanzi uvhwa shiima.

VaEfeso 2:5

ahaatupa uvhulanzi pooka nu Chilisiti. Ávhomvile vhwevhulo, lwe twámile swe vhafwe, mwe pe twámile swe vhatalamalandu. Kwe ku vhwila vhwakwe, uMulungu avhaposile.

Filipi 3:21

Uweene aligalulanya amavhili giitu ge gayeyevhaaye, inga gaholane nu muvhili waakwe uwa vhushindamu. Alivhomba isho ku maha gaakwe aga kukonzya ivintu vwonti.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.

Ishitushizya 11:11

Ileelo lwe ahavhaliilizyo aha nsiku zitatu ni shigavho shooka pa vigavho vivhili ivwa isiku hatuuha, umwuyu uwa vhupuuma we wukufuma kwa Mulungu wuhavhinjila, vhoope vhahimiilila. Avhantu vhahoogopa nkaani lwe vhavhalola vhakuzyuha.