VaLoma 8:10 - ULufingwi uLupwa

¹⁰ Ileelo inga uChilisiti ali muhati zyinyu, poosye inga amavhili giinyu gakufwa kufumiilana nu vhutalamalandu, uMupepo uMufinjile akuuvhapa uvhulanzi, mwe pe uMulungu avhavhaziizye imwe kuuti mwe vhagolosu.

Tesitamenti Umupwa 1965

¹⁰ Apene nyene ingʼuChilisiti ali muhati zyinyu, pʼumuvili afuye kuvutalamalandu, nkandʼumupepo akulandila kuvugolosu.

VaLoma 8:10 ပူးပေါင်းရင်းမြစ်များ

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 15:5

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 6:54

Umuntu wonti we akulya umuvhili waane nu kumwela amavhanda gaane ali nu vhulanzi uvhwa shiima, niine ndimuzyusya isiku ilya vhusililishilo.

Yohani 6:56

Umuntu wonti we akulya umuvhili waane, nu kumwela amavhanda gaane, akujendeelela kuvha muhati yaane, niine nkujendeelela kuvha muhati yaakwe.

VaLoma 5:12

Vhamwitu, uvhutalamalandu vhwínjiiye mu nsi kwi idala ilya muntu wooka nu kutuleetela uvhufwe. Kuli izyo, avhantu vhonti vhakufwa, mwe pe vhatalamalandu.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

2 VaKolinti 13:5

Ishi muyilingaje mweneemwe, inga mumanye kuuti muli nu lwitiho. Vhuli, mutamanyile kuuti uYeesu Chilisiti ali muhati zyinyu? Inga mutamanyile, ipo lwe muposiitwe.

2 VaKolinti 4:11

Yeenya, iswe twe vhapuuma, ahavhaliilizyo honti tuli mu ntamwo izya kufwa kuzya Yeesu, inga uvhulanzi vhwakwe vhuloleshe mu mavhili giitu ge gakufwa.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

Filipi 1:23

Ivintu vivhili vikundunzaanya. Lumo nkusiivha kwepa ipa, insogole imbe pooka nu Chilisiti. Ili lye lihondeeye nkaani.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

1 VaTesaloniki 4:16

Nkuyanga vhwevhulo, mwe pe uMwene wuuyo aliyiiha kufuma ku mwanya. Aliyanga kwi izwi ilya maha, pooka ni izwi ilya havhizya umupiti ni izwi ilya isaji ilya Mulungu. Pe vhaala vhe vháfuuye she vhamwitisile uChilisiti, vhalizyuha suuti.

VaHebuli 12:23

Imwe mufisile pa luhomaano ulupiti ulwa vhiitisi vhonti vhe uMulungu akuvhiita kuvha vhaana vhaakwe avhahatoote. Avhiitisi ivho, amazina gaavho gasimviilwe ku mwanya. Mufisile pilongolela ilya Mulungu we Mulonzi uwa vhantu vhonti na pilongolela ilya vhantu avhagolosu vhe uMulungu ahavhazelufwa.

VaHebuli 9:27

Inza vwe avhantu vhonti vhakufwa lwoka vhweleele, havhili lwe vhaafwa, uMulungu akuvhalonga,

Ishitushizya 14:13

Pe nkiivwa izwi kufuma ku mwanya, lihati, “Simba! Vhalosiitwe avhantu vhaala vhe kwandila isaala izi vhakufwa she vhamwitisile uMwene uYeesu.” Woope uMupepo uMufinjile akuti, “Mwe muumwo! Vhalituuzya amayimba gaavho, mwe pe imbombo zyavho inyinza zilimanyiha.”