VaLoma 7:7 - ULufingwi uLupwa

⁷ Ishi pe tuti vhuli? Tuti, indajizyo mbiivhi? Ndaali, te muumwo inga hansi! Nalyoli inga indajizyo zitáliipo, ine nkandi ntamanyile kuuti uvhutalamalandu shintu vhuli. Yeenya, inga ululajizyo lwe lukuti, “Utanyonywaje ishintu isha wamwinyu” lutáliipo, ine nkandi ntamanyile kuuti kunyonywa vhutalamalandu.

Tesitamenti Umupwa 1965

⁷ Amwe pe tuti vuli lelo? Amwʼinkomelezyo vutalamalandu? Zye ndali ukushela zinizi! Zipele te nkomelezyo zye zimbuzizye, nkandi pe ntavumanyile uvutalamalandu. She kwope nukukumbwa nkandi ntakumanyile ingʼinkomelezyo zitahambuzya ukuti utahakumbwaje.

VaLoma 7:7 ပူးပေါင်းရင်းမြစ်များ

Matayi 5:28

Ileelo ine nkuvhavhuuzya kuuti, umuntu wonti we akumwenya umwantanda kwi idala ilya kumunyonywa, akuvha avhembuha nawo mu mwoyo waakwe.

uLuuka 12:15

Pe ahavhavhuuzya avhantu vhonti ahati, “Muvhe minso! Muleshe kupapila ivintu, mwe pe uvhulanzi uvhwa muntu vhutakufumiilana nu vhwinji uvhwa vintu vwe ali navwo.”

uLuuka 20:16

Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!”

iMbombo izya Vhatumwa 20:33

Ine ntányonyiilwe naalumo impiiya, poosye amenda aga muntu wonti.

VaLoma 13:9

Yeenya, indajizyo zikuti, “Utavhembuhaje, utagogaje, utiivhaje, havhili utanyonywaje ishintu isha wamwinyu.” Ileelo indajizyo izyo ni zyamwavho zili mu lulajizyo lwoka lwe lukuti, “Umukundaje umupalamani waaho inza vwe ukuyikunda weneewe.”

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

VaLoma 4:1

Pe ishi, kulandatana ni nongwa izya kuvhaazilwa uvhugolosu, iswe swe Vhayuuda tuyanje ishooni izya Aabulahamu, utaata wiitu kuzya muvhili?

VaLoma 4:15

mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

VaLoma 6:15

Ishi pe tuti vhuli? Vhuli, tuvhombaje uvhutalamalandu, mwe pe indajizyo zitakutukonzya, nkandi uvhwila uvhwa Mulungu? Ndaali, te muumwo inga hansi!

VaLoma 7:11

Yeenya, uvhutalamalandu kutuushila indajizyo izyo, vhuhankopenkanya nu kungoga.

VaLoma 7:13

Vhuli, ishintu ishinza isho she shándeteeye uvhufwe? Ndaali, te muumwo inga hansi! Uvhutalamalandu vhwe vhwámpeleeye uvhufwe kwi idala ilya shintu ishinza isho, inga kwi idala ilya ndajizyo uvhutalamalandu vhumanyishe kuuti vhuvhiivhi nkaani.

VaLoma 7:5

Ahavhaliilizyo he uvhuntu vhwitu uvhwa vhutalamalandu vhuhatukonzyaga iswe, indajizyo zyávhiisile impapilo imbiivhi izya mu mavhili giitu kuuti zivhe na maha nkaani. Ishi she shátuvhiisile kuuti tunyonywaje kuvhomba uvhutalamalandu ahavhaliilizyo honti. Ilyo lye lyátupeleeye uvhufwe.

VaLoma 7:8

Ileelo lwe nalumanya ululajizyo ulu, pe uvhutalamalandu vhuhazivhuusya impapilo imbiivhi izya mavhiila mu mavhiila muhati yaane. Yeenya, inga indajizyo zitaliipo, uvhutalamalandu vhutakuvha na maha.

1 VaKolinti 15:56

Yeenya, uvhutalamalandu vhwe vhukuleeta uvhuvhaavi uvhwa vhufwe, havhili uvhutalamalandu vhukuloleha kuuti vhutalamalandu kufumiilana ni ndajizyo.

VaEfeso 5:3

Vhatavhatahaje ku nongwa izya vhulugusu nu vhuvhembu vhwonti, poosye kupapila ivintu, mwe pe inongwa izyo zitakwanzilwa kuvhombwa na vhafinjile.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.