VaLoma 7:4 - ULufingwi uLupwa

⁴ Vhamwitu, vwe zili na kuli imwe. Inza vwe inga umuntu aafwa indajizyo zitakumukonzya, niimwe indajizyo izya Moose zitakuvhakonzya, mwe pe muli ngati mufuuye pooka nu Chilisiti pa shihovhenkanyo. Ishi imwe mwe vhantu vhaakwe we ázyusile, inga tuvhombaje imbombo inyinza zye zikumuhondezya uMulungu.

Tesitamenti Umupwa 1965

⁴ Namwe vovulo, mumuvili wa Chilisiti mufuye kunkomelezyo, ukuti muvanje mwe va wunji, va wuyo wʼahazyuha kuvafwe ukuti tumuhomelajʼuMulungu insanga.

VaLoma 7:4 ပူးပေါင်းရင်းမြစ်များ

Matayi 26:26

Lwe vhakulya, uYeesu ahanyatula ikaati, ahaliloota, ahalimensula, ahaavhapa avhasundikwa vhaakwe, ahavhavhuuzya ahati, “Nyatuuli mulye, uno we muvhili waane.”

Maliko 4:20

Imbeyu zye zyágwiliiye pa nsi inyinza, shiholanyo isha vhantu vhe vhakulitejeelezya izwi nu kuliposheela. Avhantu ivho vhe vhamo vhakupaapa amantonongwa 30, avhamwavho 60, na vhamwavho vhakupaapa amantonongwa 100.”

Yohani 15:8

Inga mukuhoma amantonongwa aminji, nu kuvha mwe vhasundikwa vhaane avha nalyoli, kwe mulolesyaje apazelu uvhushindamu uvhwa Taata waane.

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

VaLoma 6:11

Niimwe vhweleele muyilolaje kuuti mwe vhafwe kuzya vhutalamalandu. Havhili muyilolaje kuuti ku vhulanzi vhwe mukulandila mukumuhondezya uMulungu kwi idala ilya Chilisiti uYeesu.

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

VaLoma 7:3

Ileelo inga ayiimalwa nu mwanaavuli uwunji she umulume waakwe ali she akulandila, umwantanda uyo akuvha muvhembu. Ileelo inga umulume waakwe aafwa, ululajizyo ulwo lutakumukunga havhili, inga ayiimalwa nu mwanaavuli uwunji atakuvha muvhembu.

VaLoma 7:6

Ileelo ishi tufuuye pooka nu Chilisiti, kwe kuuti tusatuliilwe kufuma mu ndajizyo. Ahavhaliilizyo iha tutakumuvhombela uMulungu kwi idala ilya hali ilya kulandata indajizyo zye zyásimviilwe, nkandi kwi idala ipwa ilya kulongolwa nu Mupepo uMufinjile.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 10:16

Ishi, lwe tukumusalifwa uMulungu ku zya lupindi luula lwe tukumwelela ahavhaliilizyo aha shaakulya isha Mwene, vhuli, tutakuvha nu vhuliilani nu Chilisiti mu mavhanda gaakwe? Havhili lwe tukumensula ikaati nu kulya, tutakuvha nu vhuliilani nu muvhili uwa Chilisiti?

2 VaKolinti 11:2

Ine indi nu vhuzuvha niimwe vhwe vhukufuma kwa Mulungu. Nkuyanga vhwevhulo, mwe pe muli inza umulindu uwa mwoyo umuzelu we atamumanyile naalumo umwanaavuli, we námuzinjiiye kwimalwa nu mwanaavuli wooka vhweleele, we wu Chilisiti.

VaGalati 3:13

UChilisiti ahatupoha kufuma mu ntipo zye zili mu ndajizyo kwi idala ilya kuzinyatula intipo izyo ku zyitu, mwe pe uVhusimbe uVhufinjile vhukuti, “Wonti we ahomeliilwe pa shihovhenkanyo, atifiilwe.”

VaGalati 5:18

Ileelo inga mukulongolwa nu Mupepo, mutakuvha mwe vhazya avha ndajizyo.

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 4:17

Te kuuti nkunyonywa kuposheela ivipeelwa ivwamwavho, nkandi kuuti muposheele uvhuloote ku mbombo yiinyu iya kufumwa.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:22

Ileelo ishi, uMulungu avhakundiinye nu weene kwi idala ilya muvhili uwa Chilisiti, kwe kuuti kufwa kwakwe. Avhomvile vhwevhulo inga avhaleete pilongolela lyakwe she mwe vhafinjile, ishisita amabada poosye ulukwinkwino.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

Kolosi 2:14

UMulungu ávhomvile fwe kwe kuvhuzimanya uvhusimbe vhwe vhuhatulonjelelaga iswe mwi ikalaata ilya malandu giitu. UMulungu azivhomvile fwe kwe kuvhuzimanya uvhusimbe uvhwo, lwe uChilisiti akuhomeelwa pa shihovhenkanyo nu kufwa.

Kolosi 2:20

Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

VaHebuli 10:10

Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

Ishitushizya 19:7

Tuseshelaje nu kudovhela nu kumushindiha, mwe pe ahavhaliilizyo aha winga uwa Hagonzi aha MWENE uMulungu hafisile, havhili we akwimalwa ayisengiinye.

Ishitushizya 21:9

Pe wooka mu vhahavhizya vhaala 7 vhe vháali ni mbiga ziila 7 zye zyízuuye imfwa 7 izya vhusililishilo, ahinza nu kumbuuzya kuuti, “Nzaaga! Niine kwe nkulolesye umwantanda we akwimalwa, umushi uwa Hagonzi aha MWENE uMulungu!”