VaLoma 7:24 - ULufingwi uLupwa

²⁴ Nasheela ine! Wu naanu we kuuti amposhe nu muvhili uno we wukuntwala ku vhufwe?

Tesitamenti Umupwa 1965

²⁴ Ne muntu ne munamangusu! Wʼunanu amposile kumuvili wununo uwa vufwe?

VaLoma 7:24 ပူးပေါင်းရင်းမြစ်များ

Matayi 5:4

Vhalosiitwe avhaswimiilizu, mwe pe uMulungu alivhasuvhaalizya.

Matayi 5:6

Vhalosiitwe vhe vhali ni nzala ni shinyooto isha vhugolosu, mwe pe vhaliyiikuta.

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaLoma 8:23

Havhili, te vwe vipelwa vweka vwe vikuvhuvhula ku vhuvhaavi. Niiswe vhweleele tukuvhuvhula nkaani mu mooyo giitu, poosye inga tupeliilwe uMupepo uMufinjile we shipeelwa ishitanzi isha Mulungu. Tukuvhuvhula, mwe pe tukuguliilila kuuti uMulungu aatupe amaha gonti aga kuvha swe vhaana vhaakwe, kwe kuuti, kugatavhula amavhili giitu.

VaLoma 8:26

Pooka niizyo, uMupepo uMufinjile we akutwavwaga mu vhuyeyevhazu vhwitu, mwe pe iswe tutamanyile vwe yikwanzilwa kulaavha, nkandi uMupepo uMufinjile wuuyo akutulaavhila ku nkuuta iya vhuswimiilizu ye yitangalondovholwa.

Kolosi 2:11

Lwe mwasopenkana nu Chilisiti, mwátahiliilwe. Mutátahiliilwe na vhantu, nkandi nu Chilisiti wuuyo, kwe kuuti ávhefwizye uvhuntu vhwinyu uvhwa vhutalamalandu.

2 Timoti 4:18

Kwe ajendeelele kumpoha mu mbiivhi zyonti zye kwe mbombelwe, inga amfisye ku mwanya ku vhumwene vhwakwe ku vhutehamu. Ashindikwaje shiima shiima! Amina.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 2:15

Havhili ávhomvile vhwevhulo, inga avhavhiishe kuvha vhasatushe avhantu vhonti vhe vháali vhazya mu vhulanzi vhwavho vhwonti kuzya kwogopa uvhufwe.

Ishitushizya 21:4

Uweene alivhasyumula amansozi gaavho gonti. Uvhufwe te vhuhaavhe havhili, poosye uvhuvhaavi, poosye inkuuta, poosye kuloosya, mwe pe izya hali zituusile!”