VaLoma 7:21 - ULufingwi uLupwa

²¹ Pe ishi, nshivhwenyi ishintu ishi: Lwe nkwanza kuvhomba ishintu ishinza, nkwaga nsavhuuye ishintu ishivhiivhi.

Tesitamenti Umupwa 1965

²¹ Mwe mumwo lelo inga nkwanzʼukuvomba uvwinza pe nkwenya lukuva fwe ngati luhomelezyo muhati yane ulwa kuvukalakasya uvutalamalandu.

VaLoma 7:21 ပူးပေါင်းရင်းမြစ်များ

uLuuka 4:1

Lwe uYeesu ayoozelwa, aheepa pi ijenje uYoolodaani she ayizuuye uMupepo uMufinjile. UMupepo uMufinjile ahamulongola kusogola mu luugwa.

Yohani 8:34

UYeesu ahavhaamula ahati, “Nalyoli nkuvhavhuuzya kuuti, umuntu wonti we akujendeelela kuvhomba uvhutalamalandu, akuvha muzya uwa vhutalamalandu.

VaLoma 6:12

Pe ishi, mutahaaleshe uvhutalamalandu vhugakonzye amavhili giinyu ge gakufwa. Inga mwaleha vhwagakonzya, vhulivhapelela kulandata impapilo imbiivhi izya mavhili giinyu.

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaLoma 7:23

Ileelo ivipelwa ivwa mu muvhili waane, amaha aga vhutalamalandu vhwe vhukulwa uvhulugu ni nsiivho zyane vhukuvikonzya. Amaha igo gakumbiiha kuvha ne muzya uwa vhutalamalandu vhwe vhukuvhomba imbombo mu muvhili waane.

VaLoma 7:25

Nkumusalifwa uMulungu we kwi idala ilya Mwene wiitu uYeesu Chilisiti, akutupoha kufuma mu maha aga vhutalamalandu. Yeenya, ine neneene nkulandata indajizyo izya Mulungu mu nsiivho zyane, ileelo uvhuntu vhwane uvhwa vhutalamalandu vhukulandata indajizyo izya vhutalamalandu.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

2 Peteli 2:19

Vhakufinga kuuti kwe vhaavhape uvhusatushe avhiitisi avhayeyevhazu ivho, she avheene vhazya avha vhutalamalandu. Nkuyanga vhwevhulo, mwe pe umuntu akuvha muzya uwa shiila she shikumukonzya.