VaLoma 7:13 - ULufingwi uLupwa

¹³ Vhuli, ishintu ishinza isho she shándeteeye uvhufwe? Ndaali, te muumwo inga hansi! Uvhutalamalandu vhwe vhwámpeleeye uvhufwe kwi idala ilya shintu ishinza isho, inga kwi idala ilya ndajizyo uvhutalamalandu vhumanyishe kuuti vhuvhiivhi nkaani.

Tesitamenti Umupwa 1965

¹³ Amwe lelo kwe kuti ahantʼahinzʼaha he hampiyʼukufwa? Zye ndali ukushela zinizi! Nkandi uvutalamalandu vuhambombelʼine izya vufwe muhantʼahinza ukuti vulolehaje ukuva vwe vutalamalandu, ukuti mululajizyo uvutalamalandu vulusyaje ukuloleha ukuva vwe vutalamalandu nkani.

VaLoma 7:13 ပူးပေါင်းရင်းမြစ်များ

Matayi 28:8

Pe avhantanda vhaala vhaheepa naluvhiilo pa mbiipa kwi lyoga nu luseshelo ulupiti. Vhahashimbila kusogola kuvhavhuuzya avhasundikwa avha Yeesu inza vwe uhavhizya uyo ávhavhuziizye.

uLuuka 20:16

Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!”

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

VaGalati 3:21

Vhuli, indajizyo zitakuvhalilana na zye áfinzile uMulungu? Ndaali, te muumwo inga hansi! Yeenya, inga zyaaliipo indajizyo zye zingaavhapa avhantu uvhulanzi, pe nkandi tukuvhaazilwa kuuti twe vhagolosu kwi idala ilya ndajizyo.