VaLoma 6:21 - ULufingwi uLupwa

²¹ Vhuli, ahavhaliilizyo iho lwe muhavhombaga izyo zye ishi mukuzilolela insoni, mwáposheleeye lilonka vhuli? Uvhwanalyoli vhwe vhuno, zitali ni ilonka naalimo, uvhusililishilo vhwakwe vhufwe!

Tesitamenti Umupwa 1965

²¹ Pe muhahomaga nsanga vuli lelo, zye shinishi zikumwamihʼitwe? Shʼizyene kumpelela vufwe vutupu.

VaLoma 6:21 ပူးပေါင်းရင်းမြစ်များ

VaLoma 1:32

Avhantu ivho vhamanyile ahinza kuuti, inga umuntu avhomba imbombo imbiivhi inza izyo, zilimuleetela uvhufwe uvhwa shiima. Ileelo poosye vhwevhulo, vhatakusaajila izyo! Vhakujendeelela kuvhomba imbiivhi ishisita kwogopa ishintu shonti, havhili vhakwitinkana na vhantu vhe vhakuvhomba imbiivhi izyo.

VaLoma 5:12

Vhamwitu, uvhutalamalandu vhwínjiiye mu nsi kwi idala ilya muntu wooka nu kutuleetela uvhufwe. Kuli izyo, avhantu vhonti vhakufwa, mwe pe vhatalamalandu.

VaLoma 6:16

Nalyoli mumanyile ahinza kuuti inga mwayifumwa kwa muntu nu kuvhomba zye akwanza, pe mukuvha mukumushindiha umuntu uyo, mukuvha mwe vhazya vhaakwe. Kwe kuuti inga mwalandata insiivho izya vhutalamalandu, mukuvha mwe vhazya avha vhutalamalandu. Ilyo likuvhapelela uvhufwe. Ileelo inga mukumulandata uMulungu mukuvha mwe vhazya vhaakwe, ilyo likuvhapelela uvhugolosu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 7:5

Ahavhaliilizyo he uvhuntu vhwitu uvhwa vhutalamalandu vhuhatukonzyaga iswe, indajizyo zyávhiisile impapilo imbiivhi izya mu mavhili giitu kuuti zivhe na maha nkaani. Ishi she shátuvhiisile kuuti tunyonywaje kuvhomba uvhutalamalandu ahavhaliilizyo honti. Ilyo lye lyátupeleeye uvhufwe.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

2 VaKolinti 7:11

Yeenya, uvhuswimiilizu vhwe vhukwinza ku lukasamo ulwa Mulungu, vhuvhaleteeye imwe ilonka ipiti. Vhuvhavhiisile kuvha nu mute nkaani kuvhomba ingolosu, nu kuyiyanjila kuuti zye mukuvhomba zya nalyoli, nu kuziviitilwa imbiivhi, nu kumunyila uMulungu, nu kusamba kundola, nu kulola kuuti we ananzile aposheleeye amalipilo gaakwe. Muli izyo zyonti mukulolesya kuuti mutali nu vhunanzi kuli ili.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

VaHebuli 10:29

Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

VaHebuli 6:8

Ileelo insi ye yikwezya amimvwa ni ndezye, yitakuvha ni ilonka naalimo, yikuvha papiipi nu kutipwa nu Mulungu, havhili uvhusililishilo vhwakwe kwe kupembwa mu mwoto.

Yakobu 1:15

Insiivho izya mpapilo zikumutwala umuntu kuvhomba uvhutalamalandu, vhwope uvhutalamalandu vhukumutwala umuntu uyo ku vhufwe.

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.

1 Peteli 4:17

Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.

Ishitushizya 16:6

Mwe pe avhantu ivho vhíisite amavhanda aga vhafinjile na vhakuvhwi, niiwe waavhapa amavhanda vhamwele. Vhahondeeye izyo!”

Ishitushizya 20:14

Pe uVhufwe nu Vhuzimu vhahasumbilwa mwa sumbi we akwaha mwoto. Usumbi uyo we akwaha umwoto we vhufwe uvhwa vhuvhili.