VaLoma 6:19 - ULufingwi uLupwa

¹⁹ (Nayanjila mu shiholanyo ishi isha vhuzya, inga mumanye zye zikuyangwa, mwe pe imwe mwe vhayeyevhazu kufumiilana nu vhuntu vhwinyu uvhwa vhutalamalandu.) Lwe mwáshiili kumumanya uYeesu, muhavifumwaga ivipelwa ivwa mu mavhili giinyu kuuti vivhombaje imbombo iya vhuvhembu nu kwonjezya kuvhomba uvhutalamalandu uvhwamwavho. Ileelo ishi, mwe pe mumumanyile, muyifumwaje ivipelwa ivwa mu mavhili giinyu kuvhomba imbombo ingolosu, inga muvhe mwe vhazya vha Mulungu, pe woope avhazelufwe.

Tesitamenti Umupwa 1965

¹⁹ Ishi injanjile mwe vakuyanjilʼavantu, she mwe vantu namwe muvutonsu. Inza she lulwo utuntu twa mumavili ginyu muhatupelaga ukuva tuzya twa vuhandamanu, twa vusitankomelezyo, ukuti tuvombaje zye te zya munkomelezyo, ishi mutupelaje vovulo ukuva tuzya twa vugolosu ukuti muvanje mwe vafinjile.

VaLoma 6:19 ပူးပေါင်းရင်းမြစ်များ

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

VaLoma 15:1

Ishi iswe twe tugomile mu lwitiho, yikwanzilwa tuvhajimbililaje vhaala vhe vhatagomile mu lwitiho, tuleshe kuvhomba ziila zye zikutuhondezya sweneeswe.

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

VaLoma 7:23

Ileelo ivipelwa ivwa mu muvhili waane, amaha aga vhutalamalandu vhwe vhukulwa uvhulugu ni nsiivho zyane vhukuvikonzya. Amaha igo gakumbiiha kuvha ne muzya uwa vhutalamalandu vhwe vhukuvhomba imbombo mu muvhili waane.

VaLoma 8:26

Pooka niizyo, uMupepo uMufinjile we akutwavwaga mu vhuyeyevhazu vhwitu, mwe pe iswe tutamanyile vwe yikwanzilwa kulaavha, nkandi uMupepo uMufinjile wuuyo akutulaavhila ku nkuuta iya vhuswimiilizu ye yitangalondovholwa.

1 VaKolinti 5:6

Kuyitumvwa kwinyu te kwinza. Vhuli, mutamanyile kuuti umulembo uwa kuluzizya vhunsi vhweleele, vhukuluzya umunya wonti?

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

1 VaKolinti 9:8

Amazwi iga ge nkuyanga, te nsiivho zya vhantu vhweleele, zyope indajizyo izya Moose vwe zikulondovhola vhwevhulo.

VaGalati 3:15

Vhamwitu, nkwanza injanje ku shiholanyo isha kufuma mu vhulanzi vhwitu. Musivhiilile izya lufingwi ulwa vhantu vhavhili. Inga ulufingwi lwavhombeha pilongolela ilya vhantu, ataliipo uwa kuluhaana, poosye kwonjezya inongwa izinji.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.