VaLoma 6:14 - ULufingwi uLupwa

¹⁴ Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

Tesitamenti Umupwa 1965

¹⁴ Shʼuvutalamalandu vutaliva namaha kulʼimwe, she zitakuvakonzya zye nkomelezyo nkandi vwe vwila.

VaLoma 6:14 ပူးပေါင်းရင်းမြစ်များ

Matayi 1:21

Kwe apaape umwana umwanaavuli, niiwe kwe umwite izina ilya Yeesu, mwe pe umwana uyo alivhapoha avhantu vhaakwe mu vhutalamalandu vhwavho.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 8:36

Ishi inga ine ne Mwana wa Mulungu navhavhiiha kuvha mwe vhasatushe ku vhutalamalandu vhwinyu, te muvhe mwe vhazya havhili, nkandi nalyoli kwe muvhe mwe vhasatushe.

VaLoma 11:6

Kuli izyo, mwe pe vhasavhuliilwe ku vhwila vhwa Mulungu, vhatakupokwa ku mbombo zye vhavhomvile. Mwe pe inga zyaamile mbombo zyavho zye vhavhomvile, pe uvhwila vhutangavha vhwila havhili.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaLoma 5:17

Uvhutalamalandu uvhwa muntu wooka, vhwávhiisile uvhufwe vhuvhakonzye avhantu vhonti. Ileelo nalyoli vhaala vhe vhakuposheela uvhwila vhwe vhutali ni shipimilo kufuma kwa Mulungu nu kuvhaazilwa kuuti vhagolosu, vhalikonzya, mwe pe vhaliivha nu vhulanzi uvhwa shiima kwi idala ilya ziila zye ávhomvile umuntu uwamwavho, uYeesu Chilisiti.

VaLoma 5:18

Ishi, inza vwe avhantu vhonti vhálonziilwe kufumiilana nu vhutalamalandu vhwoka uvhwa muntu wooka, vhwevhulo avhantu vhonti vhakuvhaazilwa kuuti vhagolosu nu kupeelwa uvhulanzi kufumiilana ni mbombo yooka ingolosu iya muntu wooka.

VaLoma 6:12

Pe ishi, mutahaaleshe uvhutalamalandu vhugakonzye amavhili giinyu ge gakufwa. Inga mwaleha vhwagakonzya, vhulivhapelela kulandata impapilo imbiivhi izya mavhili giinyu.

VaLoma 6:15

Ishi pe tuti vhuli? Vhuli, tuvhombaje uvhutalamalandu, mwe pe indajizyo zitakutukonzya, nkandi uvhwila uvhwa Mulungu? Ndaali, te muumwo inga hansi!

VaLoma 8:12

Pe ishi, vhamwitu, iswe mu vhulanzi vhwitu tutakwanzilwa kulongolwa nu vhuntu uvhwa vhutalamalandu.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaGalati 3:23

Lwe ulwitiho ulwa kumwitiha uChilisiti lushiili kwinza, indajizyo zyátuvhiisile kuvha twe vhazya, tuhagulililaga kuloleha ukwa lwitiho ulwo.

VaGalati 4:21

Mumbuuzye imwe mwe mukusungwa kulongolwa ni ndajizyo izya Moose, vhuli, mukwivwa vwe zikuyanga indajizyo?

VaGalati 5:18

Ileelo inga mukulongolwa nu Mupepo, mutakuvha mwe vhazya avha ndajizyo.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 8:10

Ulu lwe lufingwi ulupwa lwe ndiluvhiiha na vhantu avha Isilayeeli insiku izyo zye zikwinza. Ndivhiiha indajizyo zyane mu njeele zyavho, nu kuzisimba mu mooyo gaavho. Ndiivha ne Mulungu waavho, vhoope vhaliivha vhantu vhaane.