VaLoma 6:13 - ULufingwi uLupwa

¹³ Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

Tesitamenti Umupwa 1965

¹³ Twope nutuntu twa mumavili ginyu twe mutavuninchilizyaje uvutalamalandu ukuti tuvanje twa kuvombelʼuvugombanu ndali; muyininchilizyaje kwe kwa Mulungu, mulolehaje ukuti mukulandila mwe mwafuye, twope nutuntu twa mumavili ginyu vovulo, ukuti tuvanje twa kuvombela izya vugolosu.

VaLoma 6:13 ပူးပေါင်းရင်းမြစ်များ

uLuuka 15:24

mwe pe umwana waane uno aamile ngati afuuye, ishi azyuha, havhili aamile ngati ateezile, ishi aloleha!’ Pe avhantu ivho vhonti vhahataliha kudovhela ku luseshelo.

uLuuka 15:32

Ishi, tukwanzilwa kuseshela nu kudovhela, mwe pe umunine waaho aamile ngati afuuye, ishi mupuuma, havhili aateezile, ishi aloleha!’”

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

VaLoma 6:11

Niimwe vhweleele muyilolaje kuuti mwe vhafwe kuzya vhutalamalandu. Havhili muyilolaje kuuti ku vhulanzi vhwe mukulandila mukumuhondezya uMulungu kwi idala ilya Chilisiti uYeesu.

VaLoma 6:16

Nalyoli mumanyile ahinza kuuti inga mwayifumwa kwa muntu nu kuvhomba zye akwanza, pe mukuvha mukumushindiha umuntu uyo, mukuvha mwe vhazya vhaakwe. Kwe kuuti inga mwalandata insiivho izya vhutalamalandu, mukuvha mwe vhazya avha vhutalamalandu. Ilyo likuvhapelela uvhufwe. Ileelo inga mukumulandata uMulungu mukuvha mwe vhazya vhaakwe, ilyo likuvhapelela uvhugolosu.

VaLoma 6:19

(Nayanjila mu shiholanyo ishi isha vhuzya, inga mumanye zye zikuyangwa, mwe pe imwe mwe vhayeyevhazu kufumiilana nu vhuntu vhwinyu uvhwa vhutalamalandu.) Lwe mwáshiili kumumanya uYeesu, muhavifumwaga ivipelwa ivwa mu mavhili giinyu kuuti vivhombaje imbombo iya vhuvhembu nu kwonjezya kuvhomba uvhutalamalandu uvhwamwavho. Ileelo ishi, mwe pe mumumanyile, muyifumwaje ivipelwa ivwa mu mavhili giinyu kuvhomba imbombo ingolosu, inga muvhe mwe vhazya vha Mulungu, pe woope avhazelufwe.

VaLoma 7:23

Ileelo ivipelwa ivwa mu muvhili waane, amaha aga vhutalamalandu vhwe vhukulwa uvhulugu ni nsiivho zyane vhukuvikonzya. Amaha igo gakumbiiha kuvha ne muzya uwa vhutalamalandu vhwe vhukuvhomba imbombo mu muvhili waane.

VaLoma 7:5

Ahavhaliilizyo he uvhuntu vhwitu uvhwa vhutalamalandu vhuhatukonzyaga iswe, indajizyo zyávhiisile impapilo imbiivhi izya mu mavhili giitu kuuti zivhe na maha nkaani. Ishi she shátuvhiisile kuuti tunyonywaje kuvhomba uvhutalamalandu ahavhaliilizyo honti. Ilyo lye lyátupeleeye uvhufwe.

1 VaKolinti 6:15

Mutamanyile kuuti amavhili giinyu vipelwa ivwa muvhili uwa Chilisiti? Ishi ungavinyatula ivipelwa ivwa muvhili uwa Chilisiti nu kuvisopenkanya nu muvhili uwa mulugusu? Ndaali, te muumwo inga hansi!

1 VaKolinti 6:20

mwe pe mwátavhuliilwe ku nsavho impiti. Ishi mumutiimaje uMulungu mu mavhili giinyu.

1 VaKolinti 6:9

Mutamanyile kuuti avhavhiivhi te vhahinjile mu vhumwene uvhwa Mulungu? Mutahayihopenkanye! Avhalugusu na vhantu vhe vhakupuuta iviholanyo na vhavhembu, poosye vhe vhakuvhembuha avhanaavuli vhuuvho vheeka,

2 VaKolinti 10:4

Ivilwilo vwe tukulwila uvhulugu uvhwo te vwa mu nsi, vili na maha kufuma kwa Mulungu, vikunanganya amalinga gonti aga mulugu. Tukunanganya amazwi gonti aga ilenga.

2 VaKolinti 5:14

Ishikunzi isha Chilisiti shikutulongola iswe, mwe pe tumanyile kuuti umuntu wooka áfuuye kuzya vhantu vhonti, kuli izyo, avhantu vhonti vháfuuye.

2 VaKolinti 5:15

Umuntu uyo áfuuye kuzya vhantu vhonti, inga avhantu vhatalandilaje ku lukasamo lwavho, nkandi ku lwa ula we áfuuye nu kuzyuha ku zyavho.

2 VaKolinti 8:5

Vhaavhomvile kuluusya vwe twaasuvhiiye. Vhaayifumwizye suuti kwa Mwene uYeesu, pe vhayifumwa na kuli iswe. Vhaavhomvile vhwevhulo inza vwe uMulungu akasiime.

VaEfeso 2:5

ahaatupa uvhulanzi pooka nu Chilisiti. Ávhomvile vhwevhulo, lwe twámile swe vhafwe, mwe pe twámile swe vhatalamalandu. Kwe ku vhwila vhwakwe, uMulungu avhaposile.

VaEfeso 5:14

Inga uvhuzelu vhukushilamila ishintu she shili mu shiisi, shitakusyala sheshiila, shoope shikuvha nu vhuzelu. Izi zye zikuvhavhiiha avhasimvi avha nyimbo kuyanga kuuti, “Damuula iwe, we uli inza we akaasite utulo! Uzyushe iwe, we uli inza umuntu we afuuye. Pe woope uChilisiti kwe akuhozye.”

Filipi 1:20

Nkusuuvhila nkaani kuuti te nkasuupile naalumo, ileelo kwe njendeelele kuvha nu vhudandamazu ishi na havhaliilizyo honti. Kwe mbombe vhwevhulo, inga uChilisiti ajendeelele kutiimwa ku zyonti zye nkuvhomba, yivhe ku vhulanzi vhwane, poosye ku vhufwe vhwane.

Kolosi 2:13

Hali imwe mwámile mwe vhafwe, mwe pe muhashilanyaaga indajizyo izya Mulungu, havhili amavhili giinyu aga vhutalamalandu gáshiili kutahiililwa. Ileelo uMulungu ahaavhapa uvhulanzi pooka nu Chilisiti, lwe atuswila uvhutalamalandu vhwitu vhwonti.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

2 VaTesaloniki 2:12

Ipo vhonti vhe vhatakwitiha uvhwanalyoli, ileelo vhakusesheelela uvhutalamalandu, vhalilongwa.

2 Timoti 2:15

Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

Yakobu 4:1

Ivho na madali ge gali muli imwe vikufuma kwoshi? Vikufuma mu mpapilo zyinyu imbiivhi zye zikulwana muhati zyinyu!

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

1 Yohani 1:9

Ileelo inga tukupemula kuuti tuvhomvile uvhutalamalandu, uMulungu akutuswila nu kutuzelufwa uvhuvhiivhi vhwonti, mwe pe uweene mutungamu havhili mugolosu.