VaLoma 5:8 - ULufingwi uLupwa

⁸ Ileelo uMulungu átulolesiizye kuuti atukunzite nkaani, kwi idala ilya kumufumwa uChilisiti atufwile iswe she twápezile twe vhatalamalandu.

Tesitamenti Umupwa 1965

⁸ UwenʼuMulungu nyene Ishikunzi shakwe shʼatukunzitʼiswe ashikumusizye nzila pala pʼuChilisiti atufwiliyʼiswe lwe suti swe vatalamalandu.

VaLoma 5:8 ပူးပေါင်းရင်းမြစ်များ

Yohani 15:13

Ataliipo umuntu we ali ni shikunzi ishipiti kuluusya ishikunzi isha muntu we akwitiha kufwa kuzya vhamanyani vhaakwe.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

VaLoma 4:25

UMulungu ámufumwizye uYeesu kuvha mpuutile kuzya vhutalamalandu vhwitu, havhili ámuzyusiizye, inga tuvhaazilwe kuuti swe vhagolosu.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

VaLoma 5:6

Yeenya, lwe twápezile tuli she swe vhayeyevhazu, lwe ahavhaliilizyo haafiha uChilisiti ahinza, ahatufwila iswe twe tutáali swe vhagolosu.

VaLoma 5:7

Nalyoli, shitazu umuntu kwitiha kumugoga kuzya muntu umugolosu. Ngavhanga umuntu angalinga kwitiha kumugoga kuzya muntu umwinza.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

VaLoma 8:39

gavhe maha ga ku mwanya, poosye ga pa nsi. Shitaliipo ishipelwa naashimo she shingatulehaanya ni shikunzi isha Mulungu she shili mwa Chilisiti uYeesu uMwene wiitu.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

1 Timoti 1:16

Ileelo uMulungu ámfwiliiye uvhwila, inga uYeesu Chilisiti avhalolesye uvhujimbiilizu vhwakwe vhwonti ku kwane, kuuti mbe ne shiholanyo ku vhaala vhonti vhe vhalimwitiha, inga vhahavhwaje uvhulanzi uvhwa shiima.

VaHebuli 8:3

Umupuuti umupiti wonti akusaavhulwa, inga amufumwizyaje uMulungu ivipeelwa ni mpuutile. Kuli izyo, umupuuti wiitu umupiti uyo, woope akwanzilwa avhe ni shintu isha kufumwa kwa Mulungu.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.