VaLoma 5:2 - ULufingwi uLupwa

² Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

Tesitamenti Umupwa 1965

² Muli wuyo twigulilwe mulwitiho ishilyango sha kwinjila muvwila vunuvu mwe twimiliye. Mwe mumwo tukuyitima nulusuvilo lwa vumwamu vwa Mulungu.

VaLoma 5:2 ပူးပေါင်းရင်းမြစ်များ

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Yohani 10:7

Pe uYeesu ahayanga havhili ahati, “Nalyoli nkuvhavhuuzya kuuti, ine indi inza umulyango uwo, we ingʼonzi zikwinjiilila mwi ivhiji.

Yohani 10:9

Ine indi inza umulyango uwo. Umuntu wonti we akwinjila mwi ivhiji kutuushila ku kwane akupokwa, havhili akuvha musatushe kwinjila nu kufuma, kusogola kwi isole ilyinza.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

VaLoma 11:20

Izyo zya nalyoli. Insamba izyo zyádiviilwe, mwe pe zitítisile, ileelo iwe uli inza vhwevhulo kufumiilana nu lwitiho lwaho. Pe ishi, utayitumvwaje, nkandi uvhanje minso.

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 14:4

Ishi iwe we naanu we ungamulonga umuvhomvi uwa muntu uwunji? Umwene waakwe we amanyile inga umuvhomvi waakwe avhomvile ahinza, pamo avhomvile havhiivhi. Umuvhomvi uyo alivhombaga inza vwe yikwanzilwa, mwe pe uMwene uYeesu ali na maha aga kumuvhiiha kuuti avhombaje ahinza.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 3:23

Yeenya, avhantu vhonti vhavhomvile uvhutalamalandu, nu kusheepelwa uvhushindamu uvhwa Mulungu.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaLoma 8:24

Ulusuuvhilo ulwo tuli nalwo kufuma pe uMulungu átuposile. Ileelo inga tukushilola she tukushisuuvhila, shitakuvha sha kushiguliilila. Vhuli, wu naanu we akugulililaga kupeelwa ishintu she ali nasho?

1 VaKolinti 15:1

Ishi vhamwitu, nkuvhakumbusya Izwi iLyinza lye nálumbiliiye kuli imwe, niimwe muhaliposheela. Ilyo lye likuvhavhiiha kuuti musimpe mu lwitiho lwe muli nalwo.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 3:12

Kwi idala ilya kusopenkana nu Chilisiti uYeesu nu kumwitiha uweene, tuli nu vhudandamazu uvhwa kupalamila pilongolela ilya Mulungu ishisita ilyoga.

VaEfeso 6:13

Kuli izyo, muzwale ivizwalo vwonti ivwa kulwila uvhulugu vwe mukupeelwa nu Mulungu, inga muvhwezye kupoota pi isiku lyonti lye imbiivhi zikuvhinzila. Inga mwamala zyonti izya kuyisengaanya nu vhulugu, mukusimpa.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

Ishitushizya 21:11

Yihanyengʼenyelaga ku vhushindamu uvhwa Mulungu. Uvhuzelu vhwakwe vhwámile ngati wa ivhwe ilya nsavho, havhili ngati yaasipi, havhili ngati lilooli.

Ishitushizya 21:23

Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.

Ishitushizya 21:3

Pe nkiivwa izwi ipiti kufuma ku shitengo isha vhumwene lihati, “Yeenya uvhuyo uvhwa Mulungu pooka na vhantu! Alitendama pooka navho, vhoope vhaliivha vhantu vhaakwe, woope aliivha wu Mulungu waavho.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.