VaLoma 5:14 - ULufingwi uLupwa

¹⁴ Poosye vhwevhulo, kufuma kwa Aadamu nu kufiha kwa Moose, uvhufwe vhwákonziizye poosye na ku vhantu vhe vhávhomvile uvhutalamalandu vhwe vhutáholiine na vhwe uAadamu ávhomvile. UAadamu áali shiholanyo isha Chilisiti we áyinzile pisinda.

Tesitamenti Umupwa 1965

¹⁴ Ilelo ukufuma pa-Adamu ukwinzʼukufiha pa-Mose uvufwe vwali wʼumwene, vwavakonzizyʼavantu nave vatatazilʼumulandu wʼaholine nulushilanyo lwa Adamu, we shiholanyo shʼuno wʼali ayinzaje.

VaLoma 5:14 ပူးပေါင်းရင်းမြစ်များ

VaLoma 5:12

Vhamwitu, uvhutalamalandu vhwínjiiye mu nsi kwi idala ilya muntu wooka nu kutuleetela uvhufwe. Kuli izyo, avhantu vhonti vhakufwa, mwe pe vhatalamalandu.

VaLoma 5:17

Uvhutalamalandu uvhwa muntu wooka, vhwávhiisile uvhufwe vhuvhakonzye avhantu vhonti. Ileelo nalyoli vhaala vhe vhakuposheela uvhwila vhwe vhutali ni shipimilo kufuma kwa Mulungu nu kuvhaazilwa kuuti vhagolosu, vhalikonzya, mwe pe vhaliivha nu vhulanzi uvhwa shiima kwi idala ilya ziila zye ávhomvile umuntu uwamwavho, uYeesu Chilisiti.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 8:20

Ivipelwa vwonti vwásheefile uvhumwamu, te kuuti vwávhisiilwe vhwevhulo ku lukasamo lwavho, nkandi ku lukasamo ulwa Mulungu wuuyo. Pooka niizyo, vikusuuvhila ku mwoyo wonti,

VaLoma 8:22

Tumanyile kuuti kufishila ahavhaliilizyo iha, ivipelwa vwonti vikuvhuvhula ku vhuvhaavi, inza uvhuvhaavi uvhwa kupaapa umwana.

1 VaKolinti 15:22

Nkuyanga vhwevhulo, mwe pe inza vwe avhantu vhonti vhakufwa kufumiilana nu Aadamu, vwe avhantu vhonti vhalizyuha kufumiilana nu Chilisiti.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

VaHebuli 9:27

Inza vwe avhantu vhonti vhakufwa lwoka vhweleele, havhili lwe vhaafwa, uMulungu akuvhalonga,