VaLoma 5:12 - ULufingwi uLupwa

¹² Vhamwitu, uvhutalamalandu vhwínjiiye mu nsi kwi idala ilya muntu wooka nu kutuleetela uvhufwe. Kuli izyo, avhantu vhonti vhakufwa, mwe pe vhatalamalandu.

Tesitamenti Umupwa 1965

¹² Mwe mumwo inza shʼumuntu woka avulesite uvutalamalandu munsʼumu, vwope uvutalamalandu vuhaletʼuvufwe, pʼuvufwe vuhasavalila muvantu vonti vovulo, she vonti vatazilʼamalandu.

VaLoma 5:12 ပူးပေါင်းရင်းမြစ်များ

VaLoma 3:23

Yeenya, avhantu vhonti vhavhomvile uvhutalamalandu, nu kusheepelwa uvhushindamu uvhwa Mulungu.

VaLoma 5:18

Ishi, inza vwe avhantu vhonti vhálonziilwe kufumiilana nu vhutalamalandu vhwoka uvhwa muntu wooka, vhwevhulo avhantu vhonti vhakuvhaazilwa kuuti vhagolosu nu kupeelwa uvhulanzi kufumiilana ni mbombo yooka ingolosu iya muntu wooka.

VaLoma 5:19

Yeenya, inza vwe umuntu wooka áhaanile kumushindiha uMulungu, ahavhapelela avhantu avhinji kuvha vhatalamalandu, vhwevhulo umuntu wooka we ámushindisile uMulungu, alivhapelela avhantu avhinji kuvha vhagolosu.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 6:21

Vhuli, ahavhaliilizyo iho lwe muhavhombaga izyo zye ishi mukuzilolela insoni, mwáposheleeye lilonka vhuli? Uvhwanalyoli vhwe vhuno, zitali ni ilonka naalimo, uvhusililishilo vhwakwe vhufwe!

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 15:56

Yeenya, uvhutalamalandu vhwe vhukuleeta uvhuvhaavi uvhwa vhufwe, havhili uvhutalamalandu vhukuloleha kuuti vhutalamalandu kufumiilana ni ndajizyo.

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

Yakobu 1:15

Insiivho izya mpapilo zikumutwala umuntu kuvhomba uvhutalamalandu, vhwope uvhutalamalandu vhukumutwala umuntu uyo ku vhufwe.

Yakobu 3:2

Iswe swenti tukupuvha ku madala aminji. Inga kuli umuntu we atakupuvha kuyanga kwakwe, uyo mulunjisu, uyo we ali na maha aga kuyidinda uvhupuvi uvhwa muvhili waakwe wonti.