VaLoma 5:10 - ULufingwi uLupwa

¹⁰ Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

Tesitamenti Umupwa 1965

¹⁰ Shʼinga vwatukundinye nuMulungu vwe vufwe vwa Mwana wakwe lwe twali swe valugu suti, pe lelo uvulanzi vwakwe vukulusya nkani ukutupoha swe tukundine nawo.

VaLoma 5:10 ပူးပေါင်းရင်းမြစ်များ

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:57

“Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

VaLoma 11:28

AVhayuuda vhalugu vha Mulungu, mwe pe vhalihaanile Izwi iLyinza. Ilyo litwaliiye kuuti Izwi iLyinza lyinze kuli imwe mwe te mwe Vhayuuda. Ileelo poosye vhwevhulo, uMulungu ali she avhakunzite aVhayuuda, mwe pe ávhasavhuuye avhataata vhaavho nu kuvhiiha ulufingwi navho.

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

VaLoma 5:6

Yeenya, lwe twápezile tuli she swe vhayeyevhazu, lwe ahavhaliilizyo haafiha uChilisiti ahinza, ahatufwila iswe twe tutáali swe vhagolosu.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

VaLoma 8:7

Yeenya, avhantu vhe vhakulongolwa nu vhuntu uvhwa vhutalamalandu vhakuyipela kuvha vhalugu vha Mulungu, mwe pe vhatakuzilandata indajizyo izya Mulungu inga hansi, havhili vhatangazilandata.

2 VaKolinti 5:20

Ishi, uChilisiti atusonteleziizye kuvhomba imbombo yaakwe, nu kutuushila kuli iswe, uMulungu akuvhalambiilizya kukundana nu weene. Ye nongwa tukuvhalaavha mwa Chilisiti kuuti mukundane nu weene.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaEfeso 2:16

Kwi idala ilya kufwa pa shihovhenkanyo, áyefwizye uvhulugu uvhwa Vhayuuda na vhe te Vhayuuda nu kuvhavhiiha impuga yooka. Havhili ahavhakundanya vhonti nu Mulungu.

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Yohani 2:1

Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.