VaLoma 5:1 - ULufingwi uLupwa

¹ Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

Tesitamenti Umupwa 1965

¹ Ilelo she tutasilwe uvugolosu mulwitiho tuli nuvwihalo kwa Mulungu mwa Mwene witu uYesu Chilisiti.

VaLoma 5:1 ပူးပေါင်းရင်းမြစ်များ

uLuuka 19:38

vhahatinji, “Alosiitwe uMwene we akwinza kwi izina ilya MWENE uMulungu! Ishi kuvhe uvhutehamu nu vhushindamu ku mwanya.”

uLuuka 19:42

Ahati, “Kwashi ileelo ili inga waamanyile zye ukwanzilwa kuvhomba inga uvhe nu vhutehamu! Ishi zizyihiime pa minso gaaho.

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

iMbombo izya Vhatumwa 10:36

Imwe mumanyile kuuti uMulungu ásonteleziizye avhantu vhaakwe kuvhalumbiilila aVhaisilayeeli Izwi iLyinza kuuti vhaliivha nu vhutehamu nu weene kwi idala ilya Yeesu Chilisiti, we wu Mwene uwa vhantu vhonti.

VaLoma 1:17

Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 10:10

Yeenya, umuntu akwitiha nu mwoyo waakwe, pe akuvhaazilwa kuuti mugolosu, havhili akupemula ni ilomu lyakwe, pe akupokwa.

VaLoma 10:15

Havhili vhangakumusya vhuli, inga vhatatumiilwe? Izya kutumwa vhe vhakulumbiilila, uVhusimbe uVhufinjile vhukuti, “Kwinza nkaani kwinza ukwa vhantu vhe vhakulumbiilila Izwi iLyinza!”

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:33

UMulungu we akuutupa uvhutehamu, avhanje niimwe mwenti! Amina.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:30

mwe pe kuli uMulungu wooka, havhili kuli idala lyoka ilya kuvhavhaazya avhantu kuuti vhagolosu pilongolela lyakwe. Kwandila ku Vhayuuda vhe vhakutahiililwa kufishila ku vhantu vhe te Vhayuuda vhe vhatakutahiililwa, vhonti vhakwitishilwa nu Mulungu kuuti vhagolosu kwi idala ilya kumwitiha uYeesu.

VaLoma 4:5

Ileelo umuntu we atakusuuvhila imbombo zyakwe, nkandi akumwitiha uMulungu we akumuvhaazya kuuti mugolosu, pooka nu kuuti te mugolosu, uyo we uMulungu akumuvhaazya kuuti mugolosu kulandatana nu lwitiho lwakwe.

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

VaLoma 5:18

Ishi, inza vwe avhantu vhonti vhálonziilwe kufumiilana nu vhutalamalandu vhwoka uvhwa muntu wooka, vhwevhulo avhantu vhonti vhakuvhaazilwa kuuti vhagolosu nu kupeelwa uvhulanzi kufumiilana ni mbombo yooka ingolosu iya muntu wooka.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 3:25

Ileelo, mwe pe ulwitiho luula lufisile, iswe tutakulongolwa havhili ni ndajizyo zye zili ngati musunzi.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

Kolosi 1:20

Havhili kwi idala ilya Mwana, uMulungu ahavikundanya ivipelwa vwonti nu weene, ivipelwa vwe vili pa nsi na vwe vili ku mwanya. Kwe kuuti ávhiisile uvhutehamu kutuushila amavhanda aga Mwana, ge gítisile pa shihovhenkanyo.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

2 VaTesaloniki 3:16

Ishi, uMwene uYeesu wuuyo we vhwandilo vhwa vhutehamu, avhapanje uvhutehamu amanda gonti ku madala gonti. Uweene avhe pooka niimwe mwenti.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.