VaLoma 4:18 - ULufingwi uLupwa

¹⁸ Pooka nu kuuti amazwi aga Mulungu gáali magomu kugiitiha, uAabulahamu ágitisile nu kusuuvhila. Pe ahavha wu taata uwa nkolo inyinji, inza vwe uMulungu ámuvhuziizye kuuti, “Avhantu avha mu luho lwaho vhaliivha vhinji inza inzota.”

Tesitamenti Umupwa 1965

¹⁸ Uwene ahitiha mulusuvilo lwe lutangasuvilwa ukuti ave wʼuyise wa nkolʼinyinji, inza she ziyanzilwe zitili: Shʼimbeyu yaho yiliva vovulo.

VaLoma 4:18 ပူးပေါင်းရင်းမြစ်များ

uLuuka 1:18

Pe uZakaliya ahamuvhuziilizya uhavhizya ahati, “Ine nu mushi waane twe vhagoosi. Shintu vhuli she shingamanyisya kuuti amazwi igo ga nalyoli?”

iMbombo izya Vhatumwa 27:25

Ishi vhanaavuli, muyigomwe amooyo, ine nkumwitiha uMulungu, kuuti kwe zivhombeshe inza vwe ambuziizye.

VaLoma 4:17

Izi zili inza vwe yisimviilwe mu Vhusimbe uVhufinjile kuuti, “Nkuvhiisile kuvha we taata uwa vhantu avha mu nkolo inyinji.” UAabulahamu áyivuuye izi zye uMulungu áfinzile ku kwakwe, lwe ayimiliiye pilongolela lyakwe. Ahamwitiha uMulungu we akuvhazyusya avhafwe na we akuviyanga ivintu vwe vitaliipo fwe ngati viliipo.

VaLoma 4:19

Ahavhaliilizyo he uMulungu ámuvhuziizye, uAabulahamu áamile na maaha 100 ishi. Uweene ámanyile kuuti, umuvhili waakwe wáamile ngati wufuuye, havhili woope umushi waakwe uSaala áamile mugumba. Ileelo pooka niizyo ulwitiho lwakwe lutátozosile.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 8:24

Ulusuuvhilo ulwo tuli nalwo kufuma pe uMulungu átuposile. Ileelo inga tukushilola she tukushisuuvhila, shitakuvha sha kushiguliilila. Vhuli, wu naanu we akugulililaga kupeelwa ishintu she ali nasho?

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.