VaLoma 4:17 - ULufingwi uLupwa

¹⁷ Izi zili inza vwe yisimviilwe mu Vhusimbe uVhufinjile kuuti, “Nkuvhiisile kuvha we taata uwa vhantu avha mu nkolo inyinji.” UAabulahamu áyivuuye izi zye uMulungu áfinzile ku kwakwe, lwe ayimiliiye pilongolela lyakwe. Ahamwitiha uMulungu we akuvhazyusya avhafwe na we akuviyanga ivintu vwe vitaliipo fwe ngati viliipo.

Tesitamenti Umupwa 1965

¹⁷ inza she lisimṿilwe lye likuti: Nkupezilʼukuva we yise wa nkolʼinyinji. Shʼali vovulo kuminso ga Mulungu wʼahamwitihagʼuwene, wʼakuzyusya navafwe, wʼakuvilishila ṿwe ṿitalipo fwe ngati ṿilipo.

VaLoma 4:17 ပူးပေါင်းရင်းမြစ်များ

Matayi 3:9

Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

Yohani 6:63

UMupepo uwa Mulungu we akuuvhapa avhantu uvhulanzi uvhwa shiima. Amaha aga muntu gatangaavwa naashimo kuleeta uvhulanzi uvhwa shiima. Amazwi ge navhavhuuzya gakuvhavhiiha imwe kuuti muvhe nu Mupepo uwa Mulungu, nu kuuti muvhe nu vhulanzi uvhwa shiima.

iMbombo izya Vhatumwa 15:18

inongwa zye zyámanyisile kufuma hali.”

VaLoma 3:29

Amwe, uMulungu wu Mulungu uwa Vhayuuda vheeka? Te wu Mulungu uwa vhe te Vhayuuda vhoope? Nalyoli uweene wu Mulungu uwa vhantu vhonti,

VaLoma 4:18

Pooka nu kuuti amazwi aga Mulungu gáali magomu kugiitiha, uAabulahamu ágitisile nu kusuuvhila. Pe ahavha wu taata uwa nkolo inyinji, inza vwe uMulungu ámuvhuziizye kuuti, “Avhantu avha mu luho lwaho vhaliivha vhinji inza inzota.”

VaLoma 4:2

Inga tukuti uAabulahamu ávhaziliilwe kuuti mugolosu ku mbombo zyakwe inyinza, uweene nkandi ali ni shintu isha kuyibaadila. Ileelo uvhwanalyoli vhukuti, atali ni shintu isha kuyibaadila pilongolela lya Mulungu.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

VaLoma 9:26

Havhili, “Poope ipo pe vhívuuye kuuti, ‘Imwe te mwe vhaane,’ ipo vhaliyangwa kuuti, ‘Vhaana vha Mulungu uMulanzi.’”

1 VaKolinti 1:28

UMulungu ávhasavhuuye avhantu avha pa nsi vhe avhantu vhahavhasuufwa, vhe vhakuloleha ngati te vhantu, inga alolesye kuuti avhantu vhe vhakuloleha kuuti vhasuuvhilwa nkaani, vhatali ni ilonka naalimo ku kwakwe.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

1 Timoti 6:13

Nkukulajizya pilongolela ilya Mulungu we akuuvipa vwonti uvhulanzi, na pilongolela ilya Chilisiti uYeesu, we áfumwizye uvhwahoome uvhwa nalyoli pilongolela ilya Pontiyo uPilaato ishisita ilyoga kuuti,

VaHebuli 11:12

Kuli izyo, kwi idala ilya muntu wooka uAabulahamu we áamile mugoosi nkaani, vhápafwilwe avhantu avhinji nkaani vhe nuumo atangavhaazya inza inzota, poosye inza ulusenga ulwa mu luvhazu mwa sumbi.

VaHebuli 11:3

Kwi idala ilya kwitiha, iswe tumanyile kuuti uMulungu ápezile imwanya ni nsi kwi idala ilya izwi lyakwe. Havhili tumanyile kuuti ivintu vwonti vwe vikuloleha atávipezile kufuma ku vintu vwe vikuloleha.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

1 Peteli 2:10

Hali mutáamile mwe vhantu vha Mulungu, ileelo ishi mwavha mwe vhantu vhaakwe. Havhili mutáposheleeye uvhwila uvhwa Mulungu, ileelo ishi muposheleeye.

2 Peteli 3:8

Ileelo vhankundwa, mutaluvwaje izwi ili kuuti kwa Mulungu isiku lyoka lili inza amaaha 1,000, goope amaaha 1,000 gali inza isiku lyoka.