VaLoma 4:15 - ULufingwi uLupwa

¹⁵ mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

Tesitamenti Umupwa 1965

¹⁵ Shʼizyenʼinkomelezyo zye zikupelʼuvuhalazu. She zipele nazimʼinkomelezyo, pe nkandi lwope nulushilinkanyo nalumo.

VaLoma 4:15 ပူးပေါင်းရင်းမြစ်များ

Yohani 15:22

Inga ntínzile nu kuyanga navho, nkandi vhatali nu vhutalamalandu. Ileelo ishi vhatangayiyanjila kuuti vhatali nu vhutalamalandu.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

VaLoma 1:17

Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

VaLoma 5:13

Lwe indajizyo zishiili kwinza, uvhutalamalandu vhwáliipo mu nsi. Ileelo uvhutalamalandu vhutakuvhaazilwa kuvha vhutalamalandu ishisita indajizyo.

1 VaKolinti 15:56

Yeenya, uvhutalamalandu vhwe vhukuleeta uvhuvhaavi uvhwa vhufwe, havhili uvhutalamalandu vhukuloleha kuuti vhutalamalandu kufumiilana ni ndajizyo.

VaGalati 3:10

Ileelo vhonti vhe vhakusuuvhila kuvhomba zye zikwanzilwa ni ndajizyo, vhali mu ntipo. Nkuyanga vhwevhulo, mwe pe uVhusimbe uVhufinjile vhukuti, “Umuntu wonti we atakujendeelela kulandata zye zisimviilwe mwi ikalaata ilya ndajizyo, atifiilwe.”

VaGalati 3:19

Ishi indajizyo zili ni mbombo vhuli? Zyónjeziilwe mu lufingwi lwe ahavhaliilizyo ahatali hatuuha, kulolesya kuuti avhantu vhali nu vhutalamalandu, kufishila lwe ayinza umuntu ula uwa mu mpaapo izya Aabulahamu, we uMulungu áfinzile. UMulungu ámupiiye indajizyo uMoose kutuushila ku vhahavhizya, nu Moose ahavha pahati kuvhakundanya avhantu nu Mulungu.

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

Kolosi 3:6

Inga mukuvhomba izyo, uMulungu alivhasunda nu vhuhalazu vhwakwe.

1 Yohani 3:4

Wonti we akuvhomba uvhutalamalandu, akuvhomba uvhusambusu kwa Mulungu, mwe pe kuvhomba uvhutalamalandu, kwe kuvhomba uvhusambusu.

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.