VaLoma 4:11 - ULufingwi uLupwa

¹¹ Kutahiililwa kwakwe sháali shilolesyo ku kwakwe isha kumulolesya kuuti uMulungu ámuvhaziizye kuuti mugolosu kufumiilana nu lwitiho, lwe áamile nalwo lwe ashiili kutahiililwa. Kwi idala ilyo, uAabulahamu wu taata waavho vhonti vhe vhakwitiha, poosye she vhatatahiliilwe, inga vhoope vhavhaazilwe kuuti vhagolosu.

Tesitamenti Umupwa 1965

¹¹ Pʼahaposhela ishimanyilo sha vuvolwa, ukuti she shivanje shilemezanyo sha vugolosu vwʼagolosheye mulwitiho lwʼashili ukuvolwa, ukuti avanje we wʼuyise wavo vonti ve vakwitiha nashenga te vavolwa, vope ukuti vatashilwajʼuvugolosu.

VaLoma 4:11 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 8:11

Nkuvhavhuuzya kuuti, avhantu avhinji kufuma imbazu zyonti izya nsi, vhaliyinza nu kulya umulyo pooka nu Aabulahamu nu Yisaaka nu Yaakobu mu vhumwene uvhwa Mulungu.

uLuuka 19:9

Pe uYeesu ahamuvhuuzya ahati, “Ileelo ili, uvhuposhi vhwinza mu vhantu avha mu nyumba ino, mwe pe umuntu uno woope wa mu luho ulwa Aabulahamu.

Yohani 3:33

Umuntu wonti we akumwitiha uweene, akuhomeshezya kuuti zye uMulungu akuyanga zya nalyoli,

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 6:35

UYeesu ahavhaamula ahati, “Ine ne ne shaakulya she shikuuvhapa avhantu uvhulanzi. Umuntu wonti we akwinza ku kwane nu kuniitiha, inzala ni shinyooto te vihamulume naalumo.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 8:33

Avheene vhahamuvhuuzya vhahati, “Iswe swe vha luho ulwa Aabulahamu. Umuntu nuumo atahatuvhiiha naalumo kuvha swe vhazya. Shooni she ukuti iswe kwe tuvhe swe vhasatushe?”

VaLoma 10:11

UVhusimbe uVhufinjile vhukuti, “Umuntu wonti we akumwitiha, te ahasuupile naalumo.”

VaLoma 10:4

Yeenya, uChilisiti álunjisiizye zyonti zye zikwanzilwa mu ndajizyo, inga wonti we akumwitiha uweene avhazilwaje kuuti mugolosu.

VaLoma 10:6

Ileelo izya muntu kuvhaazilwa kuuti mugolosu kwi idala ilya lwitiho, uVhusimbe uVhufinjile vhukuti, “Mutayivhuzilizyaje mu mooyo giinyu kuuti, ‘Wu naanu we angaazuvha ku mwanya?’” (Ukwo kwe kumuleeta uChilisiti pansi.)

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:26

Havhili, ávhomvile vhwevhulo, inga ahavhaliilizyo iha alolesye uvhugolosu vhwakwe. Uweene mugolosu, havhili we akuvhavhaazya avhantu vhe vhakumwitiha uYeesu kuuti vhagolosu.

VaLoma 3:30

mwe pe kuli uMulungu wooka, havhili kuli idala lyoka ilya kuvhavhaazya avhantu kuuti vhagolosu pilongolela lyakwe. Kwandila ku Vhayuuda vhe vhakutahiililwa kufishila ku vhantu vhe te Vhayuuda vhe vhatakutahiililwa, vhonti vhakwitishilwa nu Mulungu kuuti vhagolosu kwi idala ilya kumwitiha uYeesu.

VaLoma 4:10

Ileelo zyáfumiiye lyeli? Nkuhomeelezya kuuti uAabulahamu ávhaziliilwe kuuti mugolosu, lwe ashiili kutahiililwa!

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

VaLoma 9:33

Inongwa izi zikuvhalilana na vwe uMulungu áyanzile mu Vhusimbe uVhufinjile kuuti, “Yeenya, mu nkaaya iya Sayuuni mbiisile ivhwe lye avhantu vhakupunula. Ivhwe lye lilivhapelela avhantu kuuti vhavhanje vhakugwa. Ileelo umuntu wonti we akumwitiha uyo we livhwe ilyo, te ahasuupile naalumo!”

VaLoma 9:6

Pooka niizyo, ntakuti uMulungu áposiitwe kulunjisya ulufingwi lwakwe ku Vhaisilayeeli. Ndaali! Yeenya, te vhonti vhe vha mu luho ulwa Vhaisilayeeli vhasaavhulwa vha Mulungu.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

VaGalati 3:22

Ileelo te vwe zili. UVhusimbe uVhufinjile vhukuti, avhantu vhonti vhakulongolwa na maha aga vhutalamalandu. Avhiitisi vheeka vhweleele vhe vhakuvhombelwa ziila zye uMulungu áfinzile, mwe pe vhakumwitiha uYeesu Chilisiti.

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

VaGalati 3:7

Ishi mumanye kuuti, avhantu vhe vhamwitisile uMulungu vhe vhaana vha Aabulahamu avha nalyoli!

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

VaGalati 6:16

Vhonti vhe vhakulandila kuvhulandata uvhwanalyoli uvhwo, nalyoli vhantu vha Mulungu. UMulungu avhapanje uvhutehamu nu kuvhafwila uvhwila. Avheene vhe nalyoli vhantu vha Mulungu.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

Ishitushizya 9:4

Havhili, vhahapeelwa indajizyo kuuti vhatahananganye amasole aga pa nsi na matundu, poosye ikwi lyonti, nkandi avhantu vhaala vhe vhatali ni shilemezanyo isha Mulungu pa vweni vwavho.