VaLoma 4:1 - ULufingwi uLupwa

¹ Pe ishi, kulandatana ni nongwa izya kuvhaazilwa uvhugolosu, iswe swe Vhayuuda tuyanje ishooni izya Aabulahamu, utaata wiitu kuzya muvhili?

Tesitamenti Umupwa 1965

¹ IlelʼuwenʼuAbulahamu usekulu witu we tukuti muvuntu vwakwe ahalonka shonu?

VaLoma 4:1 ပူးပေါင်းရင်းမြစ်များ

Matayi 3:9

Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

uLuuka 3:8

Ishi muvhombaje zye zikulolesya kuuti mupindusile. Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

Yohani 8:33

Avheene vhahamuvhuuzya vhahati, “Iswe swe vha luho ulwa Aabulahamu. Umuntu nuumo atahatuvhiiha naalumo kuvha swe vhazya. Shooni she ukuti iswe kwe tuvhe swe vhasatushe?”

Yohani 8:53

Vhuli, iwe ukuyivhiiha kuuti we mupiti kuluusya utaata wiitu uAabulahamu? Uweene ahafwa. Avhakuvhwi vhoope vhahafwa. Vhuli, iwe ukuyivhiiha kuuti we naanu?”

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

iMbombo izya Vhatumwa 13:26

UPaavhuli ahajendeelela kuyanga kuuti, “Mwe vhamwitu, mwe vhaana avha luho ulwa Aabulahamu, niimwe mwe vhanji mwe mukumunyila uMulungu, iswe swenti swe uMulungu atuleteeye izwi ili ilya vhuposhi.

VaLoma 1:3

Izwi ilyo lye likumuhomeshezya uMwana waakwe we ápafwilwe inza umuntu mu luho ulwa mwene uDaavhudi.

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaLoma 6:1

Ishi pe tuti vhuli? Vhuli, tujendeelele kuvhomba uvhutalamalandu, inga uvhwila vhwa Mulungu vhwonjele kuvha na maha nkaani?

VaLoma 7:7

Ishi pe tuti vhuli? Tuti, indajizyo mbiivhi? Ndaali, te muumwo inga hansi! Nalyoli inga indajizyo zitáliipo, ine nkandi ntamanyile kuuti uvhutalamalandu shintu vhuli. Yeenya, inga ululajizyo lwe lukuti, “Utanyonywaje ishintu isha wamwinyu” lutáliipo, ine nkandi ntamanyile kuuti kunyonywa vhutalamalandu.

VaLoma 8:31

Ishi pe tuti vhuli kuli izi? Inga uMulungu ali uluvhazu lwitu, wu naanu we angatupoota?

2 VaKolinti 11:22

Inga avheene Vhahebuuli, niine ne Muhebuuli, inga avheene Vhaisilayeeli, niine ne Mwisilayeeli, inga avheene vha mu mpaapo izya Aabulahamu, niine ne wa mu mpaapo izya Aabulahamu.

VaHebuli 12:9

Inga tuhavhashindihaga avhataata vhiitu avha mu nsi umu vhe vhahatusundaga, vhuli, tutakwanzilwa kumushindiha nkaani uMulungu uTaata wiitu uwa ku mwanya, inga tuvhe nu vhulanzi uvhwa shiima?