VaLoma 3:5 - ULufingwi uLupwa

⁵ Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

Tesitamenti Umupwa 1965

⁵ Apene lelo uvugombanu vwitʼiswe inga vukukumusyʼuvugolosu vwa Mulungu, pe tutuvuli lelo? AmwʼuMulungu mugombanu lwʼakutusunda muvuhalazu? Nkuyanjila zinizi muvuntu.

VaLoma 3:5 ပူးပေါင်းရင်းမြစ်များ

VaLoma 12:19

Vhankundwa, mutalanduzyaje mweneemwe, mumuleshelaje uMulungu kuuti we avhombaje izyo. Nkuyanga izyo, mwe pe uMWENE uMulungu mu Vhusimbe uVhufinjile akuyanga akuti, “Kulanduzya mbombo yaane, ine ndilanduzya.”

VaLoma 2:5

Ishi, mwe pe we mugomu, havhili utakwanza kutonta uvhutalamalandu vhwaho, ukulivhiiha isunde lyaho kuvha lipiti nkaani pi isiku ilya vhuhalazu uvhwa Mulungu, uweene alivhalonga avhantu ku vhugolosu.

VaLoma 3:19

Ishi, tukulola kuuti amazwi ge gakufuma mu Vhusimbe uVhufinjile, inga gayanga shimo, gakuvhavhuuzya vhe vhápeliilwe genego. Ageene gávhisiilwe kuuti lwe uMulungu ayilonga insi, avhantu vhonti vhatahaavhe ni lya kuyiyanjila, havhili yiloleshe apazelu kuuti avhantu vhonti vhavhiivhi pilongolela ilya Mulungu.

VaLoma 3:7

Wumo angavhuziilizya angati, “Inga kuhopenkanya kwitu kukwavwa kulolesya kuuti uMulungu akuvhomba izya nalyoli nu kwonjezya uvhushindamu vhwakwe, pe shooni she nkulongwa kuuti ne mutalamalandu?”

VaLoma 4:1

Pe ishi, kulandatana ni nongwa izya kuvhaazilwa uvhugolosu, iswe swe Vhayuuda tuyanje ishooni izya Aabulahamu, utaata wiitu kuzya muvhili?

VaLoma 5:8

Ileelo uMulungu átulolesiizye kuuti atukunzite nkaani, kwi idala ilya kumufumwa uChilisiti atufwile iswe she twápezile twe vhatalamalandu.

VaLoma 6:1

Ishi pe tuti vhuli? Vhuli, tujendeelele kuvhomba uvhutalamalandu, inga uvhwila vhwa Mulungu vhwonjele kuvha na maha nkaani?

VaLoma 6:19

(Nayanjila mu shiholanyo ishi isha vhuzya, inga mumanye zye zikuyangwa, mwe pe imwe mwe vhayeyevhazu kufumiilana nu vhuntu vhwinyu uvhwa vhutalamalandu.) Lwe mwáshiili kumumanya uYeesu, muhavifumwaga ivipelwa ivwa mu mavhili giinyu kuuti vivhombaje imbombo iya vhuvhembu nu kwonjezya kuvhomba uvhutalamalandu uvhwamwavho. Ileelo ishi, mwe pe mumumanyile, muyifumwaje ivipelwa ivwa mu mavhili giinyu kuvhomba imbombo ingolosu, inga muvhe mwe vhazya vha Mulungu, pe woope avhazelufwe.

VaLoma 7:7

Ishi pe tuti vhuli? Tuti, indajizyo mbiivhi? Ndaali, te muumwo inga hansi! Nalyoli inga indajizyo zitáliipo, ine nkandi ntamanyile kuuti uvhutalamalandu shintu vhuli. Yeenya, inga ululajizyo lwe lukuti, “Utanyonywaje ishintu isha wamwinyu” lutáliipo, ine nkandi ntamanyile kuuti kunyonywa vhutalamalandu.

VaLoma 8:31

Ishi pe tuti vhuli kuli izi? Inga uMulungu ali uluvhazu lwitu, wu naanu we angatupoota?

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

1 VaKolinti 15:32

Inga kutaliipo kuzyuha, náali na lilonka vhuli kulwa na vhaala avha ku Hefeeso, vhe vhali inza ivihanu ivihali? Inga kutaliipo kuzyuha, pe “tulyanje nu kumwela, mwe pe indaavhi tukufwa.”

1 VaKolinti 9:8

Amazwi iga ge nkuyanga, te nsiivho zya vhantu vhweleele, zyope indajizyo izya Moose vwe zikulondovhola vhwevhulo.

2 VaKolinti 6:4

Ileelo mu zyonti tukulolesya kuuti twe vhavhomvi avha Mulungu. Tukulolesya ilyo kwi idala ilya kujimbiilila nkaani mu mayimba na mu ntamwo na mu ngomu.

2 VaKolinti 7:11

Yeenya, uvhuswimiilizu vhwe vhukwinza ku lukasamo ulwa Mulungu, vhuvhaleteeye imwe ilonka ipiti. Vhuvhavhiisile kuvha nu mute nkaani kuvhomba ingolosu, nu kuyiyanjila kuuti zye mukuvhomba zya nalyoli, nu kuziviitilwa imbiivhi, nu kumunyila uMulungu, nu kusamba kundola, nu kulola kuuti we ananzile aposheleeye amalipilo gaakwe. Muli izyo zyonti mukulolesya kuuti mutali nu vhunanzi kuli ili.

VaGalati 2:18

Ileelo inga nkugaluha kwitiha uluvhaatiho ulwa hali ulwa kulandata indajizyo, uluvhaatiho luula lwe náluhaanile, ipo yikulolesya kuuti ine ne mutalamalandu.

VaGalati 3:15

Vhamwitu, nkwanza injanje ku shiholanyo isha kufuma mu vhulanzi vhwitu. Musivhiilile izya lufingwi ulwa vhantu vhavhili. Inga ulufingwi lwavhombeha pilongolela ilya vhantu, ataliipo uwa kuluhaana, poosye kwonjezya inongwa izinji.

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”