VaLoma 3:4 - ULufingwi uLupwa

⁴ Ndaali, te muumwo inga hansi! UMulungu akuvhalolesya avhantu kuuti uweene akuyanga izya nalyoli nu kuzivhomba, poosye inga avhantu vhonti vhakuluma ilenga. Yeenya, uVhusimbe uVhufinjile vhukuti, “Inga wavhavhuuzya avhantu vhaaho uvhutalamalandu vhwavho, amazwi gaaho ga nalyoli. Inga wavhalonga, uvhulonzi vhwaho vhugolosu.”

Tesitamenti Umupwa 1965

⁴ Zye ndali ukushela zinizi! TumumanyʼuMulungu ukuti we wa nalyoli, nkandʼavantu vonti valumilenga, inza she lisimṿilwe lye likuti: Ulolehaje mumazwi gaho ukuva we mugolosu, uvapotaje lwe vakukulonga.

VaLoma 3:4 ပူးပေါင်းရင်းမြစ်များ

Matayi 11:19

Niine ne Mwana wa Aadamu ninzile, nkulya nu kumwela, avheene vhakuti, ‘Uno mupafu havhili wu shimwela. Havhili mumanyani uwa vhasonchezya musonko na vhatalamalandu avhanji!’ Ileelo uvhushindamu uvhwa njeele vhukuloleha kuuti vhwa nalyoli ku vhugolosu uvhwa mbombo zyakwe.”

uLuuka 20:16

Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!”

Yohani 3:33

Umuntu wonti we akumwitiha uweene, akuhomeshezya kuuti zye uMulungu akuyanga zya nalyoli,

VaLoma 11:1

Ishi nkuvhuziilizya kuuti, vhuli, uMulungu ávhalesile avhantu vhaakwe aVhaisilayeeli? Ndaali, te muumwo inga hansi! Yeenya, ine neneene ne Mwisilayeeli, mfumile mu mavhanda aga Aabulahamu, mu nkolo iya Benjamiini.

VaLoma 11:11

Ishi, nkuvhuziilizya havhili kuuti, vhuli, aVhaisilayeeli vhápunuuye nu kugwa nziila? Ndaali! Te muumwo inga hansi! Ileelo kwi idala lyavho ilya kumuhaana uMuposhi, avhantu vhe te Vhaisilayeeli vháposheleeye uvhuposhi, inga aVhaisilayeeli vhavhalolele umwone.

VaLoma 3:31

Pe ishi, lwe tukuhomeelezya kwitiha, vhuli, kwe kuuti indajizyo izi zitali ni ilonka? Ndaali! Inga tuli nu lwitiho, pe tukupela twavhomba ziila zye indajizyo zikulajizya.

VaLoma 6:15

Ishi pe tuti vhuli? Vhuli, tuvhombaje uvhutalamalandu, mwe pe indajizyo zitakutukonzya, nkandi uvhwila uvhwa Mulungu? Ndaali, te muumwo inga hansi!

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

VaLoma 7:13

Vhuli, ishintu ishinza isho she shándeteeye uvhufwe? Ndaali, te muumwo inga hansi! Uvhutalamalandu vhwe vhwámpeleeye uvhufwe kwi idala ilya shintu ishinza isho, inga kwi idala ilya ndajizyo uvhutalamalandu vhumanyishe kuuti vhuvhiivhi nkaani.

VaLoma 7:7

Ishi pe tuti vhuli? Tuti, indajizyo mbiivhi? Ndaali, te muumwo inga hansi! Nalyoli inga indajizyo zitáliipo, ine nkandi ntamanyile kuuti uvhutalamalandu shintu vhuli. Yeenya, inga ululajizyo lwe lukuti, “Utanyonywaje ishintu isha wamwinyu” lutáliipo, ine nkandi ntamanyile kuuti kunyonywa vhutalamalandu.

VaLoma 9:14

Ishi pe tuti vhuli? Tuti, uMulungu te mugolosu? Ndaali, te muumwo inga hansi!

1 VaKolinti 6:15

Mutamanyile kuuti amavhili giinyu vipelwa ivwa muvhili uwa Chilisiti? Ishi ungavinyatula ivipelwa ivwa muvhili uwa Chilisiti nu kuvisopenkanya nu muvhili uwa mulugusu? Ndaali, te muumwo inga hansi!

2 VaKolinti 1:18

Ileelo ishi inza vwe uMulungu mutungamu, amazwi giitu kuli imwe gataamile ga kuuti, “Eena” havhili kuuti, “Ndaali.”

VaGalati 2:17

Ishi, lwe tukulondola kuvhaazilwa kuuti twe vhagolosu kwi idala ilya Chilisiti, vhamo vhakuyanga kuuti tuli she twe vhatalamalandu. Vhuli, izi zikulolesya kuuti uChilisiti akutuvhiiha kuuti tuvhombaje uvhutalamalandu? Ndaali, te muumwo inga hansi!

VaGalati 2:21

Ntakwanza kuvhuhaana uvhwila uvhwa Mulungu. Yeenya, inga umuntu angavhaazilwa kuuti mugolosu kwi idala ilya kuzilandata indajizyo izya Moose, pe uChilisiti áfuuye vhweleele!

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Yohani 5:10

Umuntu we akumwitiha uMwana wa Mulungu, ayitisile kuuti uvhwahoome uvhwo vhwa nalyoli. Ileelo we atakumwitiha uMulungu, akumuvhiiha uMulungu kuuti ali ni ilenga, mwe pe atavhwitisile uvhwahoome vhwe uMulungu avhufumwizye kuzya Mwana waakwe.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: