VaLoma 3:30 - ULufingwi uLupwa

³⁰ mwe pe kuli uMulungu wooka, havhili kuli idala lyoka ilya kuvhavhaazya avhantu kuuti vhagolosu pilongolela lyakwe. Kwandila ku Vhayuuda vhe vhakutahiililwa kufishila ku vhantu vhe te Vhayuuda vhe vhatakutahiililwa, vhonti vhakwitishilwa nu Mulungu kuuti vhagolosu kwi idala ilya kumwitiha uYeesu.

Tesitamenti Umupwa 1965

³⁰ ShʼuMulungu ali woka mwene, wʼakuvatahʼuvugolosu navavolwa ve vali mulwitiho, havili akuvatahʼuvugolosu avasitakuvolwa inga vali nulwitiho.

VaLoma 3:30 ပူးပေါင်းရင်းမြစ်များ

VaLoma 2:26

Pe ishi, umuntu we atatahiliilwe inga akulandata vwe indajizyo zikuyanga, uMulungu akumwitiha inza umuntu we atahiliilwe.

VaLoma 2:27

Havhili umuntu we atatahiliilwe, inga akulandata vwe indajizyo zikuyanga, imbombo zyakwe inyinza zililolesya kuuti iwe we Muyuuda we mutalamalandu. Yiliivha isho, mwe pe iwe we Muyuuda utahiliilwe, havhili uli ni ndajizyo zye zisimviilwe, ileelo ukuzishilanya.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:28

Ishi, tukulola kuuti uMulungu akumuvhaazya umuntu kuuti mugolosu kwi idala ilya kumwitiha uYeesu, te kwi idala ilya kulandata indajizyo izya Moose.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaLoma 4:9

Vhuli, uvhuloote uvhwo vhwe vhukuyangwa nu Daavhudi, vhwa Vhayuuda vheeka, mwe pe vhatahiliilwe, pamo vhwa pooka na vhantu avhanji, vhe te Vhayuuda vhe vhatatahiliilwe? Mukumbushe kuuti uVhusimbe uVhufinjile vhukuti, uMulungu ámuvhaziizye uAabulahamu kuuti mugolosu kwi idala ilya lwitiho lwakwe kwa Mulungu.

VaGalati 3:20

We akukundanya akwanzilwa inga imbazu zivhili zikuvhiiha ulufingwi. Ileelo uMulungu ali wooka, poosye vhwevhulo, uweene ávhiisile ulufingwi nu Aabulahamu ishisita kuvha we akukundanya.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

VaGalati 3:8

Havhili uVhusimbe uVhufinjile vhwálolesiizye kufuma hali kuuti, vhe te Vhayuuda vhalivhaazilwa kuuti vhagolosu kwi idala ilya lwitiho lwavho. UMulungu we ámuvhuziizye uAabulahamu Izwi iLyinza ili kuuti, “Kutuushila ku kwaho avhantu avha mu nkolo zyonti vhalilootwa.”

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaGalati 6:15

Kutahiililwa, poosye kuvha ishisita kutahiililwa, vwonti vitali nu vhumwamu naavhumo, she shili nu vhumwamu, kwe kupelwa vhupwa nu Mulungu.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.