VaLoma 3:27 - ULufingwi uLupwa

²⁷ Pe ishi, inongwa izi zikutudindila nziila kuyitumvwa, mwe pe tutakuvhaazilwa kuuti twe vhagolosu kwi idala ilya kulandata indajizyo izya Moose, nkandi kwi idala ilya kumwitiha uYeesu vhweleele.

Tesitamenti Umupwa 1965

²⁷ Ulutimo luli kwoshi lelo? Lwigalilwe kunzi. Muluhomelezyo vuli? Amwe mwe muluhomelezyo lwe lukuti vombaga zimo? Ndali, luhomelezyo lwe lukuti yitihaga.

VaLoma 3:27 ပူးပေါင်းရင်းမြစ်များ

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

VaLoma 10:5

Izya muntu kuvhaazilwa kuuti mugolosu, uMoose ásimvile átili, “Umuntu we akuvhomba zye zikwanzilwa ni ndajizyo, aliivha nu vhulanzi kwi idala ilya kuzilandata indajizyo izyo.”

VaLoma 11:6

Kuli izyo, mwe pe vhasavhuliilwe ku vhwila vhwa Mulungu, vhatakupokwa ku mbombo zye vhavhomvile. Mwe pe inga zyaamile mbombo zyavho zye vhavhomvile, pe uvhwila vhutangavha vhwila havhili.

VaLoma 2:17

Ishi, iwe ukuyiita kuuti we Muyuuda uwa nalyoli, ukusuuvhila kuvha we mugolosu kwi idala ilya kulandata indajizyo, havhili ukuyitumvwa kuuti we muntu wa Mulungu.

VaLoma 2:23

Iwe we ukuyitumvwa kuuti uzimanyile indajizyo izya Moose, ukumupezya insoni uMulungu lwe ukushilanya indajizyo zyakwe.

VaLoma 3:19

Ishi, tukulola kuuti amazwi ge gakufuma mu Vhusimbe uVhufinjile, inga gayanga shimo, gakuvhavhuuzya vhe vhápeliilwe genego. Ageene gávhisiilwe kuuti lwe uMulungu ayilonga insi, avhantu vhonti vhatahaavhe ni lya kuyiyanjila, havhili yiloleshe apazelu kuuti avhantu vhonti vhavhiivhi pilongolela ilya Mulungu.

VaLoma 3:26

Havhili, ávhomvile vhwevhulo, inga ahavhaliilizyo iha alolesye uvhugolosu vhwakwe. Uweene mugolosu, havhili we akuvhavhaazya avhantu vhe vhakumwitiha uYeesu kuuti vhagolosu.

VaLoma 4:2

Inga tukuti uAabulahamu ávhaziliilwe kuuti mugolosu ku mbombo zyakwe inyinza, uweene nkandi ali ni shintu isha kuyibaadila. Ileelo uvhwanalyoli vhukuti, atali ni shintu isha kuyibaadila pilongolela lya Mulungu.

VaLoma 7:21

Pe ishi, nshivhwenyi ishintu ishi: Lwe nkwanza kuvhomba ishintu ishinza, nkwaga nsavhuuye ishintu ishivhiivhi.

VaLoma 7:23

Ileelo ivipelwa ivwa mu muvhili waane, amaha aga vhutalamalandu vhwe vhukulwa uvhulugu ni nsiivho zyane vhukuvikonzya. Amaha igo gakumbiiha kuvha ne muzya uwa vhutalamalandu vhwe vhukuvhomba imbombo mu muvhili waane.

VaLoma 7:25

Nkumusalifwa uMulungu we kwi idala ilya Mwene wiitu uYeesu Chilisiti, akutupoha kufuma mu maha aga vhutalamalandu. Yeenya, ine neneene nkulandata indajizyo izya Mulungu mu nsiivho zyane, ileelo uvhuntu vhwane uvhwa vhutalamalandu vhukulandata indajizyo izya vhutalamalandu.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

VaLoma 9:31

Havhili kwe kuuti, aVhaisilayeeli vhe vháali nu mute kulandata indajizyo, inga vhavhaazilwe kuuti vhagolosu kwi idala ilyo, vhatávhaziliilwe.

VaLoma 9:32

Vhatávhaziliilwe kuuti vhagolosu, mwe pe vhásuvhiiye imbombo zyavho, vhálesile kumwitiha uChilisiti. Vhahapunula pi ivhwe liila ipiti, vhahagwa.

1 VaKolinti 4:7

Vhuli, wu naanu, we akuvhiisile uyilole kuuti, uhondeeye nkaani kuluusya avhanji? Shintu vhuli she uli nasho she uMulungu atakupiiye? Ileelo inga akupiiye, shooni she ukuyitumvwa ngati atakupiiye?

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 3:22

Ileelo te vwe zili. UVhusimbe uVhufinjile vhukuti, avhantu vhonti vhakulongolwa na maha aga vhutalamalandu. Avhiitisi vheeka vhweleele vhe vhakuvhombelwa ziila zye uMulungu áfinzile, mwe pe vhakumwitiha uYeesu Chilisiti.