VaLoma 3:20 - ULufingwi uLupwa

²⁰ Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

Tesitamenti Umupwa 1965

²⁰ She mumbombo zyʼukuvomba we muntu mwe zilajizizye zye nkomelezyo mwe numʼumuntu atakugoloshelʼuvugolosu kuminso gakwe. Shʼinkomelezyo zikumulanganizyʼumuntu ukuvumanyinsanya uvutalamalandu.

VaLoma 3:20 ပူးပေါင်းရင်းမြစ်များ

iMbombo izya Vhatumwa 13:39

Wonti we akumwitiha uweene, akuvhaazilwa kuuti mugolosu, inongwa zye zitangavhombeha kutuushila kuzilandata indajizyo izya Moose.

VaLoma 2:13

Vhalilongwa, mwe pe uMulungu atakumuvhaazya umuntu kuuti mugolosu kufumiilana nu kwivwa indajizyo izya Moose vhweleele, akumuvhaazya umuntu kuuti mugolosu, mwe pe akuvhomba zye indajizyo zikuyanga.

VaLoma 3:28

Ishi, tukulola kuuti uMulungu akumuvhaazya umuntu kuuti mugolosu kwi idala ilya kumwitiha uYeesu, te kwi idala ilya kulandata indajizyo izya Moose.

VaLoma 4:13

UMulungu áfinzile nu Aabulahamu na vhantu avha mu luho lwakwe kuuti, aliivhapa insi yonti kuuti yivhe vhupwano vhwavho. UMulungu atáfinzile isho nu Aabulahamu, mwe pe ahazilandataga indajizyo, nkandi, mwe pe ámwitisile uMulungu. Pe uweene uMulungu ahamuvhaazya uAabulahamu kuuti mugolosu.

VaLoma 4:15

mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

VaLoma 5:13

Lwe indajizyo zishiili kwinza, uvhutalamalandu vhwáliipo mu nsi. Ileelo uvhutalamalandu vhutakuvhaazilwa kuvha vhutalamalandu ishisita indajizyo.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

VaLoma 7:11

Yeenya, uvhutalamalandu kutuushila indajizyo izyo, vhuhankopenkanya nu kungoga.

VaLoma 9:32

Vhatávhaziliilwe kuuti vhagolosu, mwe pe vhásuvhiiye imbombo zyavho, vhálesile kumwitiha uChilisiti. Vhahapunula pi ivhwe liila ipiti, vhahagwa.

1 VaKolinti 15:56

Yeenya, uvhutalamalandu vhwe vhukuleeta uvhuvhaavi uvhwa vhufwe, havhili uvhutalamalandu vhukuloleha kuuti vhutalamalandu kufumiilana ni ndajizyo.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 2:19

Yeenya, nkazilandataga indajizyo izya Moose, ileelo ahavhaliilizyo iha, uvhulanzi vhwane uvhwa mu ndajizyo vhusizile, inga uvhulanzi vhwane vhuvhe mwa Mulungu.

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.