VaLoma 3:2 - ULufingwi uLupwa

² Nalyoli kuvha we Muyuuda kuli ilonka ipiti. Ipiti kuli izyo, uMulungu ávhapiiye aVhayuuda indajizyo, inga vhazisunjiilile nu kuzilandata mu vhulanzi vhwavho.

Tesitamenti Umupwa 1965

² Iṿwinji muli zyonti. She kutaliha uMulungu avapiye zizyo zyʼahayanga ukuti vazisunjilile.

VaLoma 3:2 ပူးပေါင်းရင်းမြစ်များ

Yohani 5:39

Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane.

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

VaLoma 1:2

Izwi ilyo, lye uMulungu áfinzile kufuma hali kwi idala ilya vhakuvhwi vhaakwe mu Vhusimbe uVhufinjile.

VaLoma 2:18

Havhili ukuti uzimanyile zyonti zye uTaata akasiime nu kumanya kusaavhula zye nyinza, mwe pe usambiliiye mu ndajizyo zyakwe.

VaLoma 3:1

Ishi kulandatana niizyo, kuli lilonka vhuli kuvha we Muyuuda? Vhuli, kutahiililwa kuli lilonka vhuli?

VaLoma 3:3

Ileelo nalyoli aVhayuuda vhamo vhatáamile vhatungamu. Vhuli! Tuti, avhantu ivho vhe te vhatungamu kwa Mulungu, vhakumuvhiiha uMulungu kuuti woope aleshe kuvha mutungamu kuvhomba zye áfinzile?

VaLoma 9:4

Ivho vhe Vhaisilayeeli, vhe uMulungu ávhavhiisile kuuti vhavhe vhaana vhaakwe, ahavhalolesya uvhushindamu vhwakwe nu kuvhiiha ulufingwi navho. Havhili ahaavhapa indajizyo zyakwe nu kufinga vwe aliivhapa, nu kuvhavhuuzya vwe yikwanzilwa kumupuuta.

1 VaKolinti 9:17

Inga nkuvhomba imbombo ino ku lusukasamo lwane, pe nkandi nsuvhiiye kuposheela amalipilo. Ileelo nkuvhomba imbombo ino, mwe pe uMulungu ampiiye yeneyo ku lukasamo lwakwe.

2 VaKolinti 5:19

Kwe kuuti kutuushila kwa Chilisiti, uMulungu ahavhakundanyaaga avhantu nu weene, ishisita kuvhaazya uvhutalamalandu vhwaho. Havhili uMulungu atupiiye imbombo iya kuvhavhuuzya avhantu inongwa izya lukundanyo ulwo.

VaGalati 2:7

Vhámanyile kuuti uMulungu ansonteleziizye kuvhalumbiilila Izwi iLyinza vhe te Vhayuuda, inza vwe amusonteleziizye uPeeteli ku Vhayuuda.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

VaHebuli 5:12

Ahavhaliilizyo iha imwe mwaanziliilwe kuvha mwe vhasambiilizi ku vhamwinyu, ileelo imwe muli she mukwanza umuntu uwa kuvhasambiilizya insambiilizyo izya ku vhwandilo izya izwi ilya Mulungu. Muli inza avhaana avhacheeche vhe vhakwonka, vhakupootwa kulya ishaakulya ishigomu.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 22:6

Uhavhizya ahambuuzya ahati, “Amazwi iga ga nalyoli havhili ga kwitishilwa. UMWENE uMulungu we akuuvhapa avhakuvhwi uMupepo waakwe uMufinjile, amusonteleziizye uhavhizya waakwe avhalolesye avhavhomvi vhaakwe zye kuuti zivhombeshe ishisita kuhaavha.”