VaLoma 3:11 - ULufingwi uLupwa

¹¹ Ataliipo umuntu we amumanyile uMulungu, havhili ataliipo we akumulondola.

Tesitamenti Umupwa 1965

¹¹ Atalipʼumugolosu nga woka woka. Atalipo numumanyinsanyi, atalipo numo wʼakumwanzʼuMulungu.

VaLoma 3:11 ပူးပေါင်းရင်းမြစ်များ

Matayi 13:19

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

VaLoma 1:22

Avheene vhahayitumvwaga kuuti vhali nu vhushindamu uvhwa njeele, fwandi vhapukupuuku.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 3:10

Izyo zikuvhalilana nu Vhusimbe uVhufinjile vhwe vhukuti, “Ataliipo umuntu we mugolosu inga wooka.

VaLoma 3:12

Avhantu vhonti vhalesile kumushindiha uMulungu, yeenya, vhonti vhatali ni ilonka pilongolela lyakwe. Ataliipo umuntu we akuvhomba inyinza, ataliipo inga wooka.”

VaLoma 8:7

Yeenya, avhantu vhe vhakulongolwa nu vhuntu uvhwa vhutalamalandu vhakuyipela kuvha vhalugu vha Mulungu, mwe pe vhatakuzilandata indajizyo izya Mulungu inga hansi, havhili vhatangazilandata.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.