VaLoma 2:8 - ULufingwi uLupwa

⁸ Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

Tesitamenti Umupwa 1965

⁸ Nkandʼavenʼavalumaluma ve vakusinganʼizya nalyoli, vʼalivapanga umulaha nuvuhalazu;

VaLoma 2:8 ပူးပေါင်းရင်းမြစ်များ

VaLoma 1:18

UMulungu akulolesya uvhuhalazu apazelu kufuma ku mwanya kwi idala ilya kuuvhapa isunde avhantu vhonti vhe vhakumuhaana, na vhaala vhe kwi idala ilya vhuvhiivhi vhwavho, vhakuvhuhaana uvhwanalyoli vhwakwe.

VaLoma 10:16

Poosye vhwevhulo, te kuuti aVhaisilayeeli vhonti vhályitisile Izwi iLyinza. Yeenya, umukuvhwi uYisaayi átili, “We MWENE Mulungu, wu naanu we áyitisile izwi lye twálumbiliiye?”

VaLoma 15:18

Niine te njanje naashimo ishinji, nkandi sheshiila she uChilisiti ávhomvile kutuushila kuli ine, isha kuvhavhiiha vhe te Vhayuuda kuuti vhamushindishe. Ávhomvile vhwevhulo kutuushila ku mazwi ge nkayangaga na ku mbombo zye nkavhombaga,

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

VaLoma 9:22

Ileelo, mwe pe uMulungu ahanzaga kuvhalolesya avhantu uvhuhalazu vhwakwe nu kuvhalolesya amaha gaakwe, ávhajimbiliiye nkaani vhaala vhe vhali inza iviliilo vhe asivhiliiye kuuvhapa isunde.

1 VaKolinti 11:16

Ileelo inga umuntu wonti akwanza kudalisya, amanye kuuti iswe tutali na maata aganji, nkandi ganaago, poosye ivivhanza ivwa Mulungu vili na ganaago.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaGalati 5:20

Izyamwavho zye zino: kupuuta iviholanyo nu vhulozi nu vhulugu ni ivho nu vhuzuvha nu mulaha nu lutumvanyo na madali nu kusugaana

Filipi 1:17

Ileelo avhamwavho ivho, vhakulumbiilila izwi ilya Chilisiti ku lutumvanyo, te ku mwoyo umugolosu. Vhakusiivha kuuti, kuli izyo, kwe vhanonjezezye amayimba agamwavho mu jeela.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

2 VaTesaloniki 1:8

Uweene we alivhasunda vhonti vhe vhakumuhaana uMulungu, na vhe vhatakulishindiha Izwi iLyinza ilya Mwene wiitu uYeesu.

uTiiti 3:9

Pooka niizyo, uyidindaje na madali aga vhupukuuku aga kutaha amazina wooka wooka aga vhataata vhe vhahafwa. Utatumvanyaaje ku ziila zye zili mu ndajizyo, havhili utavhanje nu vhulumaluma, mwe pe izyo zyonti zitangavhaavwa naashimo, zya shaaha vhweleele!

VaHebuli 10:27

Ileelo kukusyala kwe kuguliilila uvhulonzi uvhwa Mulungu vhwe vhukwogofwa nu mwoto we wulivhalovwa avhantu vhonti vhe vhakumuhaana uMulungu.

VaHebuli 11:8

Mwe pe uAabulahamu ámwitisile uMulungu, lwe uMulungu amuvhuuzya kuuti ayeepe mu nsi yaakwe nu kusogola mu nsi ye uMulungu áfinzile kuumupa, uAabulahamu áyeefile mu nsi iyo pooka nu kuuti atámanyile kwe ahasogolaga.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

Yakobu 3:14

Ileelo inga amooyo giinyu gizuuye umwone nu lupapilo, pe mutayitiimaje, havhili mutayangaje ilenga ku zya nalyoli.

Yakobu 3:16

Nkuyanga vhwevhulo, mwe pe ponti pe avhantu vhali nu mwone nu lupapilo pakuvha ivho ni mbiivhi izinji zyonti.

1 Peteli 3:1

Imwe mwe vhantanda mwe mwimaliilwe muvhashindihaje avhalume vhiinyu. Kwi idala ilyo, poosye inga avhalume vhiinyu vhatakwitiha izwi ilya Mulungu, kwe vhiitishe ishisita kulumbiililwa,

1 Peteli 4:17

Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?

Ishitushizya 14:10

uweene alimwela idivaayi inkali ye vhuhalazu uvhwa Mulungu. Idivaayi iyo, vhasuusile ishisita kusangaanya na minzi, mu lupindi ulwa mulaha waakwe. Woope uMulungu alimuyimvwa ku mwoto na ku mbaluuti pilongolela ilya vhahavhizya avhafinjile, na pilongolela ilya Hagonzi aha MWENE uMulungu.

Ishitushizya 16:19

UMulungu atáyiluviilwe iBabeeli, inkaaya impiti. Áyimwensiizye ulupindi ulwa divaayi inkali iya vhuhalazu vhwakwe uvhupiti. Pe inkaaya yiila impiti yihatapunkana imbazu zitatu, zyope inkaaya izya nsi zyonti zihananjinkana.