VaLoma 2:6 - ULufingwi uLupwa

⁶ Isiku ilyo uMulungu alivhalipa avhantu vhonti kulandatana ni mbombo zyavho.

Tesitamenti Umupwa 1965

⁶ Shʼuwene alivapanga vonti pambombo zyavo, unʼizyakwe unʼizyakwe.

VaLoma 2:6 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

VaLoma 14:22

Insiivho zye uli nazyo ku vwakulya, zivhe zyaho weeka nu Mulungu. Alosiitwe umuntu we akuyilola kuuti atakuvhomba uvhutalamalandu, lwe akuvhomba zye akuzilola kuuti ngolosu.

1 VaKolinti 3:8

We akuvhwala na we akwitiilizya vhonti vhali ni nsiivho yooka. UMulungu aliivhapa vhonti amalipilo gaavho, kulandatana ni mbombo zyavho.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 11:15

Pe tutakusukumila lwe vhoope avhavhomvi vhaakwe, vhakuyigalulanya kuvha ngati vhavhomvi avhagolosu. Uvhusililishilo vhwavho vhaliposheela zye zikulandatana ni mbombo zyavho.

2 VaKolinti 5:10

Nkuyanga vhwevhulo, mwe pe iswe swenti tuliyimiilila pilongolela ilya Chilisiti, nu kulongwa. Avhantu vhonti vhaliposheela amalipilo aga mbombo zye vhakuvhomba mu nsi umu, zivhe nyinza, poosye zivhe mbiivhi.

2 Timoti 4:14

UAlekizanda ula we akusyana ishaaba, ámbombeeye havhiivhi nkaani. UMwene uYeesu alimulonga ku mbombo zyakwe zye ámbombeeye.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 22:12

UYeesu akuyanga akuti, “Yeenya, nkwinza naluvhiilo pooka na malipilo ge ndivhalipa vhonti kulandatana nu lujendo lwavho.