VaLoma 2:19 - ULufingwi uLupwa

¹⁹ Kulandatana niizyo, iwe ukuyilola kuuti we mulongozi uwa vhantu vhe te Vhayuuda, inza umuntu we akuvhalongozya avhantonko, poosye inza inyaale vwe yikuvhahozezya avhantu mu shiisi.

Tesitamenti Umupwa 1965

¹⁹ havili uyiwenyi wewe weka ukuti we chilongozi wa vantonko nukuva we luhozyo lwa va mushisi,

VaLoma 2:19 ပူးပေါင်းရင်းမြစ်များ

Matayi 15:14

Muvhaleshe, mwe pe ivho vhalongozi avhantonko! Inga untonko akumulongola untonko uwamwavho, vhonti vhavhili vhakugwila mwi ilivha!”

Matayi 4:16

Avhantu vhaala vhe vhakutendama mu shiisi, vhavhulola uvhuzelu uvhupiti. Vhoope vhe vhakutendama mu shiisi isha vhufwe, uvhuzelu vhwavhahozezya.”

Matayi 5:14

“Imwe mwe vhuzelu vhwa mu nsi. Inkaaya ye yizengwilwe pi igamba pamwanya, yitangazyihama.

Matayi 6:23

Ileelo inga aminso gaaho gafuuye, pe umuvhili waaho wonti vhukuvha ni shiisi. Inga uvhuzelu vhwe vhuli muhati yaaho vhwavha shiisi, pe ishiisi isho shikuvha shipiti nkaani!

Maliko 10:15

Nalyoli nkuvhavhuuzya kuuti, umuntu wonti we atakumusuuvhila uMulungu inza umwana vwe akumusuuvhila utaata waakwe, te ahinjile naalumo mu vhumwene uvhwa Mulungu.”

uLuuka 1:79

swenti swe tuli mu shiisi nu kupalamila kufwa, nu kutulongola mwi idala ilya vhutehamu.”

Yohani 9:34

Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 2:18

Havhili ukuti uzimanyile zyonti zye uTaata akasiime nu kumanya kusaavhula zye nyinza, mwe pe usambiliiye mu ndajizyo zyakwe.

VaLoma 2:20

Havhili, ukuyilola kuuti we musambiilizi uwa vhaana na vhantu avhapukupuuku, mwe pe indajizyo zyaho zikukuvhuuzya inongwa izya vhushindamu uvhwa njeele vhwonti nu vhumanyinsanyi uvhwa nalyoli.

1 VaKolinti 3:18

Umuntu wonti muli imwe atahayihopenkanye kuuti ali nu vhushindamu uvhwa njeele. Umuntu inga akuyilola kuuti ali nu vhushindamu uvhwa njeele mu nsi umu, ayivhiishe mwalangani, inga avhwaje uvhushindamu uvhwa njeele uvhwa nalyoli.

1 VaKolinti 4:10

Avhantu vhakutulola iswe twe vhalangani, mwe pe tukumuvhombela uChilisiti, ileelo imwe mukuyilola muli nu vhushindamu uvhwa njeele mwa Chilisiti. Iswe tukuloleha twe vhayeyevhazu, ileelo imwe mukuloleha muli na maha. Iswe vhakutusuufwa, ileelo imwe vhakuvhashindiha.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.