VaLoma 2:13 - ULufingwi uLupwa

¹³ Vhalilongwa, mwe pe uMulungu atakumuvhaazya umuntu kuuti mugolosu kufumiilana nu kwivwa indajizyo izya Moose vhweleele, akumuvhaazya umuntu kuuti mugolosu, mwe pe akuvhomba zye indajizyo zikuyanga.

Tesitamenti Umupwa 1965

¹³ She te vagolosu kwa Mulungu venga vakwiṿwa vwelele inkomelezyo, nkandi vuvo venga vakuvomba izya munkomelezyo ve vakutashilwʼukuva vagolosu.

VaLoma 2:13 ပူးပေါင်းရင်းမြစ်များ

uLuuka 18:14

Pe uYeesu ahati, “Nkuvhavhuuzya kuuti, umusonchezya musonko ávhweleeye kuhaaya, avhaziliilwe kuuti mugolosu. Ileelo uMufalisaayi ula, haa! Navhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

uLuuka 8:21

Ileelo uYeesu ahavhaamula ahati, “Umaayi waane na vhanine vhaane vhe vhala vhonti vhe vhakutejeelezya izwi ilya Mulungu nu kulilandata.”

Yohani 13:17

Inga mwazimanya izyo, pe uMulungu alivhaloota inga mukulandata ishiholanyo isho.”

iMbombo izya Vhatumwa 13:39

Wonti we akumwitiha uweene, akuvhaazilwa kuuti mugolosu, inongwa zye zitangavhombeha kutuushila kuzilandata indajizyo izya Moose.

VaLoma 10:5

Izya muntu kuvhaazilwa kuuti mugolosu, uMoose ásimvile átili, “Umuntu we akuvhomba zye zikwanzilwa ni ndajizyo, aliivha nu vhulanzi kwi idala ilya kuzilandata indajizyo izyo.”

VaLoma 2:25

Ishi izya kutahiililwa, kutahiililwa kuli ni ilonka kuli iwe inga ukulandata vwe indajizyo zikuyanga. Inga washilanya indajizyo, kutahiililwa kwaho kutakuvha ni ilonka naalimo, havhili ukuvha inza umuntu we atatahiliilwe.

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaLoma 3:23

Yeenya, avhantu vhonti vhavhomvile uvhutalamalandu, nu kusheepelwa uvhushindamu uvhwa Mulungu.

VaLoma 3:30

mwe pe kuli uMulungu wooka, havhili kuli idala lyoka ilya kuvhavhaazya avhantu kuuti vhagolosu pilongolela lyakwe. Kwandila ku Vhayuuda vhe vhakutahiililwa kufishila ku vhantu vhe te Vhayuuda vhe vhatakutahiililwa, vhonti vhakwitishilwa nu Mulungu kuuti vhagolosu kwi idala ilya kumwitiha uYeesu.

1 VaKolinti 4:4

mwe pe ntakulongwa naashimo mu mwoyo waane. Ileelo ilyo litakumbiiha kuuti ntahaavhe nu vhunanzi, uMwene uYeesu we akundonga.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

1 Yohani 2:29

Mwe pe mumanyile kuuti uChilisiti mugolosu, pe mumanye kuuti wonti we akuvhomba ingolosu, we mwana wa Mulungu.

1 Yohani 3:7

Ishi vhaana vhaane, mutahiitishe kuuti umuntu wonti avhateezye. Umuntu we akuvhomba ingolosu, we mugolosu, inza uChilisiti vwe mugolosu.